Կար մի ժամանակ, որ ես հայ եմ ասելը նաեւ նշանակում էր` ես Հայ Առաքելական Սուրբ եկեղեցու քրիստոնյա եմ: Այսօր` աղանդերը այնքան են բազմացել ու ակտիվացել, որ Առաքելական եկեղեցու երիտասարդները ստիպված են լինում համախմբվել իրենց մեծամասնականությունը ապացոցելու համար, իսկ իրենց իրավունքները ու ազատությունները պաշտպանելու համար «հատուկ միջոցների» դիմել:
Քայքայիչ կրոնական կազմակերպությունների դեմն առնելու համար` Երիտասարդները օրենսդրական փոփոխությունների պիտի հասնեն:
Անցած մի քանի ամիսների ընթաքում ՀՀ տարածքում գործող եկեղեցիներում երիտասարդները ստորագրահավաք են անց կացրել, որի վերջնական արդյունքում պարզվեց` 35000 մարդ ասել է`. «ոչ` հոգեորսությանը, ոչ` որդեսպանությանը, ոչ` զոմբիացմանը, այո` միասնականությանը, այո` Հայ Առաքելական եկեղեցուն, այո` ազգային անվտանգությանը»:
Հոկտեմբերի 14–ին մի խումբ ազգասեր եւ եկեղեցասեր երիտասարդներ 35000 ստորագրություններով փաստաթղթերի արկղերը հանձնեցին ՀՀ ԱԺ-ին եւ ՀՀ նախագահին:
Կեսօրին` ութանասունից ավելի երիտասարդներ` դրոշներով եւ պաստառներով զինված-զարդարված, Մ Սարյանի արձանի մոտից ուղեւորվեցին ԱԺ: Մինչ մի քանի երիտասարդներ հանձնում էին արկղը ընդունարանին`մյուսները ԱԺ մատույցներում պարզեցին «ԵՍ ԱՌԱՔԵԼԱԿԱՆ ԵՄ» գրությունով մի մեծ պաստառ, որի վրա հրապարակայնորեն թողնում էին իրենց ստորագրությոնը:
Ըստ ԱՀԹ «Արարատ» միության անդամ Հեղինե Մարգարյանի` նրանք դրանով եւըս մեկ անգամ ապացուցեցին իրենց լծակցությունը եւ պատկանելիությունը Հայ Առաքելական եկեղեցուն:
ԱԺ-ից հետո` երիտասարդները շարժվեցին դեպի ՀՀ նախագահի նստավայր:
Ստորագրություններին կից տեքստում քաղաքացիները պահամջում են`
1. Օրենքով` իրավաբանորեն ամրագրել, թե ինչ է հոգեորսությունը:
2. ՀՀ համապատասխան օրենքում ամրագրել` թե ինչ պատիժ է հասնում հոգեորսությամբ զբաղվողներին:
3. Հատուկ օրենք հաստատել, որը նախակրթական եւ կրթական բոլոր հաստատություններում կարգելի այլ կրոնական կազմակերպությունների անդամների աշխատանքը, որպես «Հայ եկեղեցու պատմություն» առարկայի ուսուցիչ:
4. «ՀՀ եւ Հայաստանյաց Առաքելական Սուրբ եկեղեցու մասին» ՀՀ օրենքում լռացում կատարել` սահմանել եկեղեցու տարածքի եզրույթը եւ արգելել աղանդների կամ այլ դավանաբանական գաղափարախուսությունների քարոզչությունը եկեղեցու տարածքում:
Հիշեցնենք, որ քաղաքացիների բողոքի ալիքը բարձրացավ հենց այն դեպքից հետո, երբ ԱՀԹ Մալաթիայի Սբ. Երրորդություն եկեղեցու տարածքում «Եհովայի վկաները» սպառնացին, իսկ հետո նաեւ հարձակվեցին Հայ Առաքելական եկեղեցու հոգեւորականի վրա: Դեպքի առթիվ հարուցվեց քրեական գործ, որը այժմ գտնվում է դատարանում: Այդ դեպքից հետո` «Եհովայի վկաները» կոնֆլիկտ են ունեցել Փարաքար գյուղի հոգեորականների հետ, որից հետո էլ իրենք էին դիմել ոստիկանություն, դրա կապակցությամբ էլ նախաքննություն սկսվեց` հոգեորականները հրավիրվեցին ոստիկանություն եւ նույնիսկ քննիչ այցելեց եկեղեցի` տեղում հավատացյալներին հարցաքննելու համար: Ի վերջո` այս գործը փակվեց` քանի որ քահանաները ոչ մի օրինազանցություն թույլ չէին տվել:
Այս ժամանակահատվածում նաեւ շատ աղանդակերպ սպանություններ եւ ինքնասպանություններ կատարվեցին, բայց համարյա թե ամեն դեպքից հետո կրոնական կազմակերպությունները հերքում են այդ անձերի անդամակցությունը իրենց «եկեղեցիներին» եւ «տեր չեն կանգնում» նրանց:
Առանց հեղինակի թույլտվության մասնակի, կամ ամբողջական կրկնօրինակումը արգելվում է Նյութի եւ Կայքի հեղինակային իրավունքները պատկանում են Հայկ Կիսեբլյանին
Կայքում արտահայտված կարծիքները կարող են չհամընկնել կայքի խմբագրության տեսակետի հետ
Գովազդների բովանդակության համար կայքը պատասխանատվություն չի կրում