Pussy Riot-ը ևս մի ամիս կանցկացնի ճաղերի հերևում
«Аргументы и Факты»-ն գրում է, որ «Э» բաժանմունքի աշխատակիցները «Պանկ-աղոթքի» դեպքը քննելով` յոթ հատոր գործ են հավաքել:
Մոսկվայի Տագանկայի շրջանի դատարանը որոշել է «Pussy Riot» Պանկ խմբի անդամ աղջիկների կալանքի տակ գտնվելու ժամկետը երկարաձգել մինչ հուլիսի 24-ը: Այդպիսով` դատարանը բավարարել է գործի հետաքննության խնդրագիրը, որը խնդրել էր շարունակել աղջիկներին հսկողության տակ պահել:
Հետաքննության վարկածով` Նադեժդա Տոլլոկոննիկովան, Մարիյա Ալյոխինան և Եկատերինա Սամուչևիչը մեղավոր են խուլիգանության մեջ: «Pussy Riot» խմբի անդամ աղջիկներից ևս երկուսը փախչել են կալանքից, իսկ հունիսի 19-ին Պրահայում ելույթ են ունեցել` աջակցություն հայտնելով իրենց թիմակիցներին:
Հիշեցնենք, որ քրեական հետապնդման համար առիթ է հանդիսացել «Богородица, Путина прогони» անունը կրող «Պանկ-աղոթքը», որը խմբի մասնակիցները կազմակերպել էին 2012 փետրվարին` Մոսկվայի Քրիստոս Փրկիչ եկեղեցում: Մարտ ամսին խմբի մասնակիցները հայտնաբերվեցին և բերման ենթարկվեցին իրավապահ մարմինների կողմից, իսկ ապրիլին` կալանավորվեցին:
Խմբի անդամները իրենց մեղքը չեն ընդունում և իրենց արարքների մեջ մեղավորություն չեն տեզսնում:
«Аргументы и Факты»-ն գրում է, որ երեկ` հունիսի 20-ին կայացած դատարանի նիստը ուղեկցվել է բողոքի ակցիայով: Տարբեր տվյալներով` աղջիկներին աջակցելու են եկել 200-ից 300 ակտիվիստներ, որոնց թվում են նաև դերասանուհի և «Подари жизнь» բարեգրոծական ֆոնդի ղեկավար Չուլպան Խամզաթովան, էկոլոգ-բնապահպան, Խիմկինսկի անտառի պահապան Եվգենիա Չիրիկովան, պոետ և հրապարակախոս Դմիտրի բիկովը: Ակտիվիստներից մի քանիսը բերման են երթարկվել ոստիկանություն:
Հայկ Կիսեբլյան
|