Անկախության տոնին ընդառաջ Հայաստանյաց Առաքելական Սուրբ եկեղեցին կազմակերպել էր ուխտերթ:
Ազատության հրապարակից դեպի Սուրբ Գրիգոր Լուսավորիչ եկեղեցի շարժվեցին Արարատյան Հայրապետական թեմի և հարակից թեմերի եկեղեցիների երիտասարդաց միությունների անդամները, ուսանողներ և դպրոցականներ` ՀՀ Ոստիկանության ներքին զորքերի նվագախմբի ուղեկցությամբ:
Ամենայն Հայոց կաթողիկոս Նորին Սուրբ Օծություն Տեր Տեր Գարեգին Բ-ի հանդիսապետությամբ Սբ. Գրիգոր Լուսավորիչ եկեղեցում կատարվեց երիտասարդնեի օրհնության կարգ, որից հետո Վեհափառ Հայրը իր շնորհավորանքը հայտնեց Հայ ազգին և իր Հայրապետական պատգամները բերեց Հայ Սռաքելական Սուրբ եկեղեցու հավատավոր երիտասարդներին:
Արարողությունից հետո եկեղեցու բակում տեղի ունեցավ տոնական համերգ`«Արարատ» միության համանուն երգչախմբի և պարախմբի, Սուրբ Երրորդություն եկեղեցու երգչախմբի և Կոմիտասի անվան կոնսերվատորիայի մեներգիչների մասնակցությամբ:
Ա.Հ.Թ Երիտասարդաց հոգևոր խորհրդի հոգևոր հովիվ Տեր Հակոբ քահանա Խաչատրյանի խոսքերով` շատ կարևոր է որ երկրի քաղաքացին լինի հավատավոր քաղաքացի. «Քանի որ հավատավոր անձն ավելի լավ է պահպանում է իր հայրենիքը, ազգային արժեքներն ու ընտանիքը: Մենք պետք է արժանի լինենք այն ժառանգությանը, որը մեզ աստված որպես հայրենիք է տվել»,-ավելացրեց տեր Հակոբ Քահանա Խաչատրյանը:
«Արարատ» երիտասարդաց միության անդամ Հայկ Կիսեբլյանը նշեց, որ հպարտ է Առաքելական Սուրբ եկեղեցու հետևորդ լինելու համար. «մենք մեր ներդրումն ենք ունենում եկեղեցու և ազգի առաքելության կատարման գործում, ցույց ենք տալիս մեր միասնականությունը և այն, որ մենք հզոր ենք»,-եզրափակեց Հ. Կիսեբլյանը:
Առանց հեղինակի թույլտվության մասնակի, կամ ամբողջական կրկնօրինակումը արգելվում է
Նյութի հեղինակային իրավունքները պատկանում են Լուիզա Սուքիասյանին
Կայքի հեղինակային իրավունքները պատկանում են Հայկ Կիսեբլյանին
Կայքում արտահայտված կարծիքները կարող են չհամընկնել կայքի խմբագրության տեսակետի հետ
Գովազդների բովանդակության համար կայքը պատասխանատվություն չի կրում
ԶՀԱՅՐԵՆԻՔ ԵՎ ԶԱՍՏՎԱԾ ՈՒԽՏ 
