 Արարատի բնակիչները խոսել են. Երեխաներին սպանած կինը «Եհովայի վկաներ» աղանդի անդամ է
Արարատ քաղաքում իր երկու երեխաներին խեղդելու միջոցով սպանած Ռոզա Ալոյանը և նրա ամուսինը Գավառի մանկատան սաներ են եղել և պետության կողմից բնակարան ստանալուց հետո տեղափոխվել են Արարատ ու բնակվել այնտեղ: Panorama.am-ի թղթակցի հետ զրույցում դեպքի մասին ներկայացնելով մանրամասներ, Արարատի քաղաքապետ Աբրահամ Բաբայանն ասաց, որ դաժանությունը կատարելիս կինը Աստվածաշունչը բացել է այն էջի վրա, որտեղ նշվում է, որ Քրիստոսի գալստյան օրը շուտով կմոտենա: «Այդ կինը խախտված է եղել», -հավելեց Բաբայանը` նշելով, որ նրանց սոցիալական պայմանները բավարար են եղել:
Արարատի բնակիչներն էլ իրենց հերթին մեզ հետ զրույցում ասացին, որ երեխաներին սպանած կինը «Եհովայի վկաներ» աղանդավորական կազմակերպության անդամ է եղել, ամուսնալուծվել է: Նրանց խոսքով, երեխաները նախ ամուսնու մոտ են եղել և հետո դատարանի միջոցով ինքն է սկսել խնամել 6 և 4 տարեկան որդիներին: «Երեխեքին խեղդել ա ու հարևանի դուռը ծեծել ասել ա` երեխեքին խեղդեցի, ես գնում եմ», -պատմեցին բնակիչները:
Նրանք նաև սահմռկեցուցիչ դրվագներ պատմեցին. «Ասում են երեխեքին կախել ա պարանով, հետո հանել պարանից և պառկացրել անկողնում»:
Մեր դիտարկմանը, թե քաղաքում փաստորեն ապրում է հոգեկան շեղումներ ունեցող կին, որը ստացվում է` վերահսկողությունից դուրս է գտնվել, Բաբայանը պատասխանեց. «Փաստորեն, մինչև հիմա երբեք չի զգացվել նրա մոտ հոգեկան խանգարման դրսևորումներ»:
Այսօր առավոտյան ոստիկանության լրատվական ծառայությունը հաղորդագրություն էր տարածել, որի համաձայն ոստիկանության Արարատի բաժնում երեկ երեկոյան մի կի կին ահազանգել է, որ նույն օրը, ժամը 22.10-ին, իրեն է զանգահարել հարևանը և հայտնել, որ կինը` 34-ամյա Ռոզա Ալոյանը, տանը վնասել է իր երկու դեռահաս երեխաներին և փակելով դուռը` հեռացել է:
Մեկնած օպերատիվ խումբը նշված բնակարանում հայտնաբերել է 6-ամյա Վարդան և 4-ամյա Հայկ Ալոյանների դիակները` խեղդամահ վիճակում:
Ռ. Ալոյանը հայտնաբերվել և բերման է ենթարկվել բաժին, որտեղ հայտարարել է, որ նույն օրը, ժամը 12.00-ի սահմաններում, տանը, սավանի կտորներով խեղդամահ է արել իր երկու երեխաներին:
Ըստ աղբյուրի, Ռոզա Ալոյանը ձերբակալված է: Կատարվում է նախաքննություն:
Նյութը ըստ Panorama.am –ի 13:37 07/09/2011
 Հ.Գ. Այսքանից հետո չեմ զարմանա` եթե «եհովայի վկաները» հերքեն իրենց կապը այս կնոջ և այս ընտանիքի հետ: Գրեքե միշտ այդպես է լինում երբ որ մի «եհովայական» ինքնասպանություն է անում կամ էլ սպանություններ` այդ կառույցը հետ է կանգնում իր անդամներին տեր կանգնելու գործից:
 Հիշեցնեմ, որ այս օրերին «եհովայի վկաներ» կառույցի հետ կապված դատավարություն է ընթանում: Սեպտեմբերի 9–ին ընթանալու է շատ կարևոր մի դատավարություն, որտեղ ուսումնասիրվելու է Տեր Եսայի քահանա Արթենյանի հայցը ընդդեմ հոգևորս «եհովայի վկայի»: Հայ Առաքելական Սուրբ եկեղեցու հավատավոր անդամները կարող են միանալ իրենց համակիրներին և միասին հետևել դատի ընթացքին: Նրանք հանդիպելու են Մալաթիայի թաղախետարանի դիմացի կանգառում, ժամը 9:30–ին:
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
| 
