Առաքելական եկեղեցին համարել է աղանդ
Արդեն տեւական ժամանակ Հայաստանի ճարտարապետների միության շենքը կիրակի օրերին վարձակալության է տրվում է «Աստծո օթեւան»կրոնական կազմակերպությանը, որին Հայ Առաքելական եկեղեցին համարել է աղանդ:
«Ազգ»-ի հետ զրույցում Ճարտարապետների միության նախագահ Մկրտիչ Մինասյանը չի հերքել, որ ձմռան ամիսներին տեղ են տրամադրել կրոնական այդ կազմակերպությանը: Տրամադրել են, որովհետեւ նրանք ավետարանչական եկեղեցու ռեգիստր ունեին.«Ինձ տեղեկացրել են, որ նրանք ավետարանչականներ են, նրանց գրասենյակը հենց մեր միության դիմացն է, ԱՄՆ նախկին դեսպանատան շենքում»:
Մինասյանը պատմում է, որ ձմռան ամիսներին իրենք դահլիճը գրեթե չեն օգտագործում եւ դեմ չեն վարձակալությամբ տրամադրել կազմակերպության, սակայն մինչ այդ ստուգում են, թե ինչ կազմակերպություն է եւ այլն: Նա նաեւ հավելել է, որ ապրիլից աղանդավորական այդ կազմակերպությունը միության դահլիճում հավաքներ չի անցկացնի: Պատճառը ոչ թե այն է, որ պարզվել է կազմակերպության տեսակը, այլ որովհետեւ միությունը նախաձեռնել է բազմաթիվ միջոցառումներ, հանդիպումներ, քննարկումներ:
yerkir.am 10:36 - 31.03.2012
|