Փոքրիկ Արմանը տասնմեկ տարեկան է, բայց արդեն 6 տարի է, ինչ հիվանդ է Պարբերական Հիվանդությամբ: Ընտանիքը գտնվում է անապահով վիճակում և հազիվ է կարողանում գոյատևել: Աշխատում է միայն մայրը, ով տարբեր ծանր աշխաըանքներ է կատարում, որպեսզի հոգա իր տղայի պահանջները:
Երեխայի մոտ կրկնվում են տարբեր նոպաներ` փորացավ, կրծքացավ, ջերմություն: Եվ լինում է ժամանակ, երբ երեխան այդ ծանր վիճակում է գտնվում մի քանի օր շարունակ: Ցավոք սրտի, այդ հիվանդությունը բաժում չունի, միայն «Կոլխիցին» դեղամիջոցը մի քիչ կրճատում է ցավերը: Այդ դեղամիջոցը շատ թանկ արժե, բարեբախտաբար հիվանդանոցը այն անվճար է տալիս: Բայց միայն «Կոլխիցինը» բավական չէ տղային, նրան պետք են նաև տարբեր տեսակի ցավազրկողներ, բայց դրանք հիվանդանոցը չի տրամադրում:
Մայրն էլ շատ ժամանակ չի կարողանում գնել այդ դեղերը: Երեխան 3-րդ կարգի հաշմանդամ է , սակայն պետությունը տրամադրում է ընդամենը 10500 դրամ թոշակ: Այդ գումարը չի բավականացնում նույնիսկ հաց գնելու համար, էլ չեմ խոսում դեղերի մասին: Այնինչ բժիշկների ասում են, որ երեխային պետք է սնունդ` մրգեղեն, բանջարեղեն, մսեղեն: Հետաքրքիր է` այդ չնչին թոշակով և ոչ կայուն աշխատանքով ինչպես կարող է մայրը հոգալ այդ պահանջները… Հուսանք, որ փոքրիկ Արմանի մոտ ամեն ինչ լավ կլինի , և ինչ-որ մեկը կգտնվի, որ կօգնի նրանց…
Առանց հեղինակի թույլտվության մասնակի, կամ ամբողջական կրկնօրինակումը արգելվում է Նյութի հեղինակային իրավունքները պատկանում են Մանուկյան Արփինեին Կայքի հեղինակային իրավունքները պատկանում են Հայկ Կիսեբլյանին Կայքում արտահայտված կարծիքները կարող են չհամընկնել կայքի խմբագրության տեսակետի հետ Գովազդների բովանդակության համար կայքը պատասխանատվություն չի կրում
ԸՆԴԱՄԵՆԸ 10500 ԴՐԱՄ… 
