 Սիոն լեռան սրբավայրեր
Մայիսի 14-ից արդեն ուխտավորները քայլում էին այն տարածքներում, որտեղով Քրիստոսն էր անցել: Առավոտյան 9:00-ին այցելեցին Սուրբ Հակոբյանց մայրավանք, այնուհետև Սիոն լեռան սրբավայրեր, Վերնատուն, Դավիթ Մարգարեի գերեզման, Սուրբ Աստվածածնի ննջման եկեղեցի, և Սուրբ Պետրոս առաքյալի զղջման եկեղեցի: Ուխտավորները առիթ ունեցան ոչ միայն ծանոթանալու Սուրբ վայրերի պատմությանը, այլև հաղորդ դառնալու հոգևոր բովանդակությանը: Ամեն սրբավայրում հոգևորականների հետ ուխտյալ հայորդիները միասին աղոթեցին: Աղոթքներին միացան «Արարատ» երգչախմբի երիտասարդուհիները «Հայր Մեր», «Սուրբ Սուրբ», «Էջմիածին», «Տեր եթե զշրթունս իմ բանաս», «Խնկի ծառի նման ես», «Երանելի Սուրբ Կույս Մարիամ» հոգևոր մեղեդիները Տերունական վայրերում երգչախմբի անդամների միջոցով իրապես դարձան աղոթք:
Հայկ Կիսեբլյան
|
