|
ՀՈՒՅՍՈՎ ԵՎ ՀԱՎԱՏՈՎ ԿՊԱՅՔԱՐԵՆՔ ՄԵՐ ՍԵՆՍԵՅԻ ՆՊԱՏԱԿԻ ԻՐԱԳՈՐԾՄԱՆ ՀԱՄԱՐ
 Շուտով մեկ տարի կլռանա այն ողբերգական օրվանից, որի ընթացքին ավտովթարի հետևանքով կյանքից վաղաժամ հեռացավ ՀՀ-ում <<մուայ-թայ>> բոքսինգի ֆեդերացիայի հիմնադիր նախագահ Արամ Միսկարյանը: Շատ շատերի համար նա կար և մնաց որպես <<Որոգայթ>> հեռուստասերիալի Գարիկ, իսկ նրա անձնական կյանքի, պայքարների և հետաքրքրությունների մասին դեռ քչերը գիտեն: Նրա մտերիմները նրան այլ հատկանիշներով են բնութագրում` հայրենասեր, լավ մարդ, մտերիմ, լավ մարզիկ, լավ մարզիչ…
Արամ Միսկարյանը ծնվել է 1973թ. ի Հոկտեմբերի 29–ին, սովորել է Ստեփան Զորյանի անվան թիվ 56–միջն. դպրոցում: 1985-ից 1987–ը սովորել է Արվեստի աշխատողների տան մանրապատումների թաթերական ստուդիայում: Նա անցել է դերասանի վարպետության և բեմական խոսքի լրիվ դասընթացը: 1991-ին Արամ Միսկարյանը հիմնել է <<Սպիտակ գայլեր>> ջոկատը և նույն թվականի Հոկտեմբերի 6–ին մեկնել է Ղարաբաղ: Պատերազմից հետո էլ Արամ Միսկարյանը շարունակեց մարտարվեստներով զբաղվելու գործը. 1997-թվականին հիմնեց <<Ռինգ Արամո>> Մարտական վարպետության պրոֆեսիոնալ ասոցիացիան: Հանրահայտ <<Որոգայթ>> հեռուստասերիալում նկարահանվելու հետ միարժամանակ էլ նա կրկին շարունակում էր իր մարզչական աշխատանքները: Արամ Միսկարյանի կյանքում <<Մուայ-թայ>> բոքսինգ մարտարվեստը շատ մեծ տեղ էր գրավում, և նա նոր սպասելիքներ ուներ` ցանկանում էր <<Մուայ-թայ>> բոքսինգի ֆեդերացիա հիմնել` թայլանդից պետք է բերեին թագավորի թույլատվությունը և կնիքը…
2009-թվականի Հուլիսի 5–ին թագավորակա ն թույլատվությունը և կնիքը հասան Հայաստան, բայց ավաղ Արամ Միսկարյանը արդեն հեռացել էր կյանքից: Արամ Միսկարյանի կենսագրությունը շարունակվում է նրա գործի հետ` նրա ավագ եղբայր Գագիկ Միսկարյանը և նրա լավագույն աշակերտները շարունակում են նրա աշխատանքը: 2009 թվականի Օգոստոսի 4–ին <<Մուայ-թայ>> քիքբոքսինգի հայաստանի ֆեդերացիան հաստատվել է ՀՀ իրավաբանական անձանց պետական ռեգիստրի կենտրոնական մարմնի կողմից: Ֆեդերացիան այսօր էլ շարունակում է ապրել իր լիարժեք կյանքով` ստացել են հրավերներ Թայլանդից, Իտալիայից, Բրազիլիայից: Ֆեդերացիայի ներկայիս նախագահ Գագիկ Միսկարյանի խոսքերով, շուտով կհրատարակվի Արամի բանաստեղծությունների ժողովածուն:
ՀՈՒՅՍՈՎ ԵՎ ՀԱՎԱՏՈՎ ԿՊԱՅՔԱՐԵՆՔ ՄԵՐ ՍԵՆՍԵՅԻ ՆՊԱՏԱԿԻ ԻՐԱԳՈՐԾՄԱՆ ՀԱՄԱՐ
հավելեցին սենսեի հետնորդները
Առանց հեղինակի թույլատրության մասնակի կամ ամբողջական արտապություն անելն արգելվում է:
Նյութի և կայքի հեղինակային իրավունքները պատկանում են Հայկ Կիսեբլյանին
|
