Ոչ մի խուլի «Կյանքի խոսքը» չի բուժել. Քահանա
Որոշ կրոնական-աղանդավորական կազմակերպություններ իրենց միջոցառումների ժամանակ նոր մարդկանց հետաքրքրելու և ներգրավվելու նպատակով «բժշկություններ» են ցուցադրում, որոնք իրականում շինծու է: Այս մասին լրագրողների հետ խոսեց Երևանի Սբ. Երրորդություն եկեղեցու հոգևոր հովիվ Տ. Եսայի քահանա Արթենյանը:
«Մեր համայնքը ակտիվորեն աշխատում է խուլերին հետ բերելու գործում», -նշեց քահանան մանրամասնելով, որ խուլերը սկսում են հարել այս կամ այն աղանդին` հենց իրենց հիվանդությունը բուժելու ակնկալիքով, որոշ մարդկանց խոստումներին հավատալով: «Եղել են դեպքեր, երբ որ հիվանդ երեխային ծնողը համոզելով և ստիպողաբար է տարել աղանդի հավաքներին, քանի որ նրան հավատացրել էին, որ երեխան կբուժվի», – նշեց բանախոսը` մանրամասնելով, որ իրականում մինչ այժմ ոչ մի խուլ արդպես էլ չի բուժվել: «Խուլերի մի խումբ կա, որոնք շատ ակտիվիստ են քարոզելու և իրենց մյուս ընկերներին այդ աղանդի մեջ ներքաշելու հարցում: Նրոնցից շատերը վերադարձան շնորհիվ այն անդամների, որենք մեր եկեղեցում էին և շնորհիվ այն ծրագրերի, որ իրականացնում է եկեղեցին», – նշեց բանախոսը` հայտնելով, որ այսօր «Կյանքի խոսք» աղանդավորական-կրոնական կազմակերպությունում կան մի շարք խուլեր, սակայն նրանց մի մասը սկսում է վերադառնալ Հայ Առաքելական եկեղեցի, քանի որ այդպես էլ ոչ մեկը չի բուժվել: «Հայստանում կա շուրջ երեք հազար խուլ: Եթե մեկը մյուսին չի ճանաչում անունով` դեմքով անպայման ճանաչում է»,- վստահեցնում է հոգևորականը` նշելով, որ աղանդները չեն կարողացել կեղծել տուտ խլության բժշկությունը, այդ իսկ պատճառով խուլերը աստիճանաբար դուրս կգան այդ աղանդներից:
Հայկ Կիսեբլյան
|