«Նիվա» մակնիշի 2 ավտոմեքենաի պատմություն
Հայ Առաքելական եկեղեցու Գուգարաց թեմի առաջնորդ Սեպուհ եպիսկոպոս Չուլջյանը մոսկվաբնակ բարերար Էդմոն Էվոյանից նվեր է ստացել «Նիվա» մակնիշի 2 ավտոմեքենա:
Բարերարը նախապես ցանկություն էր հայտնել թեմակալ առաջնորդին ծառայողական թանկարժեք ավտոմեքենա նվիրաբերելու մասին, ինչից, սակայն, Սեպուհ սրբազանը հրաժարվել է` բարերարին առաջարկելով նվիրաբերվելիք գումարով 2 ավտոմեքենա գնել թեմի կարիքների համար, քանի որ իրեն բավարար է նաև հին ծառայողական ավտոմեքենան: Բարերարը սիրահոժար համաձայնել է: Այնուհետև, թեմակալ առաջնորդի որոշումով, ձեռք բերված«Նիվա» ավտոմեքենաները հանձնվել են Սպիտակ քաղաքի և Օձուն գյուղի հոգևոր հովիվներին` տեր Ավետիք աբեղա Սողոմոնյանին և տեր Վրթանես քահանա Բաղալյանին` «առ ի սպասավորություն թեմի 20 համայնքների հոգևոր կարիքների»: Ի դեպ, Է. Էվոյանի բարերարությունն այդքանով չի սահմանափակվել: Սեպուհ սրբազանի խնդրանքով և առաջարկությամբ դրամական օժանդակություն է հատկացվել Վանաձորի ծերանոցին, մանկատանը, Վանաձորի թիվ 1 հատուկ օժանդակ դպրոցին (700 000-ական դրամ), Սպիտակի թիվ 1 հատուկ օժանդակ դպրոցին (300 000 դրամ), 11 անվճարունակ ուսանողների (500-ական ԱՄՆ դոլար), 15 կարիքավոր դպրոցականների (100-ական ԱՄՆ դոլար) և 30 զոհված ազատամարտիկների ընտանիքների (200-ական ԱՄՆ դոլար ):
Նյութը ըստ yerkir.am -ի
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
|