 Հարցազրույց դերասանուհի Անժելայի նախկին ընկերոջ հետ
«Ես չեմ ուզել, որ հարցն այսքան հնչեղություն ստանա, ես էդ նկարները դրել եմ 4-5 հոգու համար և 7 վայրկյան։ Էդ նկարները դրվել են մենակ նրա համար, որ տեսնեն իր հրճված դեմքը ու հասկանան, որ ես էդ մարդը չեմ, էդ բռնաբարություն չի»,- այսօր Tert.am-ի հետ զրույցում նշեց Անժելա Սարգսյանի նախկին ընկեր Կարեն Արայանը՝ ի՞նչ նպատակով են համացանցում տեղադրվել իր նախկին ընկերուհու պոռնո նկարները հարցին ի պատասխան։
Նա ասաց, որ ընդամենը մի քանի վայրկյան համացանցում թողնելուց հետո ինքը նկարները հանել է, իսկ հետագայում դրանք նորից են հայտնվել այնտեղ, և երևույթը ստացել է իր համար անցանկալի լայն հնչեղություն։ Բազմաթիվ հարցապնդումներից հետո Արեյանն ասաց, որ այդ լուսանկարները կային միայն իր և Անժելայի մոտ, և կարելի է ենթադրել, որ տեղադրելով դրանք համացանցում նա ցանկացել է հանրային քննարկման կենտրոնում հայտնվել։
«Ի՞նչ էր այդ արարքն իր համար՝ վրե՞ժ, նեղսրտությո՞ւն, թե՞ այլ զգացմունքների պարպում» հարցին ի պատասխան՝ Արեյանն ասաց. «Դրանցից ոչ մեկը։ Վրեժ ինքն էր լուծում, երբ իմ մասին` ինչ ասես պատմում էր։ Ես միայն ուզել եմ մի քանի հոգու համար, ում ինքը ինչ ասես ասել էր իմ մասին, ցույց տայի, որ սեքսուալ մանյակ չեմ, որ իր հրճված դեմքը տեսնեին ու հասկանային, որ դա չէր կարող բռնաբարություն լինել, որ ինքը իմ հետ մի տարի եղել ա, չէր կարող մի տարի բռնաբարությամբ հետս մնալ»։
Նյութը` tert.am-ից
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
|
