«Մեզ օրենք է պետք, քանի որ մեր ներկա օրենքը մեզ որեւէ կերպ չի պաշտպանում»,-նշեց Ալեքսանդր Ամարյանը և հավելեց, որ այսօր մեր երկրում ունենք 300-350 հզր աղանդավորներ:

 Խոսելով աղանդավորական կառույցների մասին, Ամարյանը նշեց, որ յուրաքանչյուր աղանդ ունի իր վտանգավորության աստիճանը, սակայն քայաքայիչ են համարվում այն աղանդները, որոնք իրենց գործունեության մեջ չեն պարունակում ինֆորմացիա:

  «Կյանքի խոսք, Նոր սերունդ աղանդները, որոնք ծպտվում են հայ եկեղեցու անվան տակ, մարդկանց խաբում են, որպես հայ եկեղեցու քարոզիչներ: Շատ հաճախ շահարկում են քույր եկեղեցի անունը, հատկապես` Ավետրանականները, այդ ամենը հասարակությանը թյուրիմացության մեջ գցելու նպատակով են անում»- նշեց Տեր Եսայի քահանա Արթենյանը: 

 Ա. Ամարյանը անդրադառնալով Տեր Եսայի առաջ քաշած խնդրին, նշեց, որ այսօր մեր հասարակությունն ունի տեղեկատվության պակաս և շատ կարևոր է ունենալ մասնագետներ, որոնք պարբերաբար կկարողանան մարդկանց անաչառ տեղեկատվություն մատուցել կրոնական կառույցների մասին: 

«Մեր մոտ Ավետարանչական եկեղեցու օգնականին նշանակում են նախագահի օգնական: Դրանց տրյուկը մեկն ա` վարքաբեկելու մեր ազգային ինքնությունը»- ասաց Ալեքսանդր Ամարյանը և հավելեց. «Եթե աղանդավորական կառույցում բոլորը համարվում են քարոզիչներ, ապա Առաքելական եկեղեցում քարոզիչ է համարվում միայն քահանան, որը շատ քիչ է»: 

 Բանախոսները նշեցին, որ աղանդավորական կառույցները մեզ մոտ ֆինանսավորում են խոշոր երկրներից : Մեր երկրում կրոնական կառույցները տարեկան շրջանառության մեջ են մտցնում 1մլդ դոլլար գումար: 

«Մենք փող չենք ուզում, փողն ինքն ա գալիս մեր մոտ, մեկ անգամ ասել է նոր սերունդ կրոնական կառույցի ղեկավարը»,- իր խոսքում մեջբերեց Ալեքսանդր Ամարյանը հավելելով. «Քանաքեռում կառուցում են Կյանքի խոսք եկեղեցին և ոչ մի պետական գործիչ չգիտեր դրա մասին այնքան ժամանակ, մինչև ԶԼՄ-ները բարձրաձայնեցին»: 

Բանախոսը տեղեկացրեց, որ 2001թ տրվել է այդ եկեղեցին կառուցելու թույլտվությունը, 2009-ից սկսել են շինարարարական աշխատանքները, իսկ ահա այս տարի այն կավարտեն: 

 «Տարեկան 11 մլն դոլար փող են տրամադրում այդ եկեղեցու կառուցման համար: Այդ գումարները ու՞ր ա գնացել: Այսօր մեր եկեղեցիները կարիք ունեն վերանորոգելու, բայց ցավոք սրտի, ֆինանսավորում չեն կարողանում հայթայթել վերանորոգման համար»- նշեց Ա. Ամարյանը: 

 Վերջում բանախոսները ամփոփելով իրենց խոսքը, տեղեկացրեցին, որ Հայաստանում եհովական է դառնում 1000 մարդ, որից 400-600-ը հետագայում կարողանում է դուրս գալիս այդ ճահճիչ: