 ՄԻՊ տարեկան հաշվետվություն
Երկու օր առաջ, ՄԻՊ Կարեն Անդրեասյանը ներկայացրել է տարեկան հաշվետվություն, որտեղ մեղադրել է ՀՌԱ հանձնաժողովի նախագահ Գ. Ամալյանին` նշելով, որ մշտապես կոպտորեն խախտվել է հեռուստատեսությունում հնչող գովազդի մասին օրենքը, էթիկայի տարրական կանոնները, հայոց լեզվի կարգավիճակը, այդ թվում եւ ՙՀեռուստատեսության եւ ռադիոյի մասին ՀՀ օրենքի համաձայն Հանրային հեռուստառադիոընկերությունում առեւտրային գովազդը չպետք է գերազանցի ընդհանուր հաղորդումների յոթ տոկոսը՚: ՙԲացի մեղադրանքներ ներկայացնելուց, արդյոք Մարդու իրավունքների պաշտպանը չի± պատրաստվում դիմել համապատասխան մարմիններին՚,- հարցով դիմեցինք ՄԻՊ լրատվական ծառայության պետ` ՆԱԻՐԱ ԿԱՐՄԻՐՇԱԼՅԱՆԻՆ, ով ասաց. ՙՔանի որ սա նոր հայտնաբերում է, մենք դեռ այն նշել ենք տարեկան զեկույցի մեջ, բայց անպայման զբաղվելու ենք դրանով, եւ եթե վերհանել ենք այդ խնդիրները, ապա դիմելու ենք համապատասխան մարմիններին, իսկ թե ում` այս պահին դեռ չեմ կարող ասել՚: Ի դեպ, վերջերս սոցիալական ցանցերում շատ ակտիվ են գործում հեռուստաեթերն աղբից մաքրելու պահանջով հանդես եկող երիտասարդական նախաձեռնությունները, ուստի օմբուդսմենին բավականին դժվար կլինի մոռանալ իր խոստումը...
iravunk.com Ա. ՀԱԿՈԲՅԱՆ
|
