ԳԼԽԱՎՈՐ ԷՋ » 2012 » ՍԵՊՏԵՄԲԵՐ » 28 »
«Նորից այնտեղ` մեր տուն» Երուսաղեմ կատարած ուխտագնացության մասին ֆիլմը հանդիսատեսի հետ կկիսի ուխտավորների տպավորությունները
2:58:59 PM
«Նորից այնտեղ` մեր տուն» Երուսաղեմ կատարած ուխտագնացության մասին ֆիլմը հանդիսատեսի հետ կկիսի ուխտավորների տպավորությունները
Սեպտեմբերի 27-ին «Մոսկվա» կինոթատրոնում Արարատյան Հայրապետական թեմի «Արարատ» հոգևոր միության և «Շողակաթ» հեռուստաընկերության շնորհիվ տեղի ունեցավ կազմակերպությունների «Նորից այնտեղ` մեր տուն» երուսաղեմի մասին պատմող ֆիլմի և «Արարատ» երգչախմբի «Սուրբ Սուրբ», «Ով Զարմանալի», «Ով է Որպես» հոգևոր երգերի տեսահոլովակների շնորհանդեսները:
ֆիլմը և տեսահոլովակները նկարահանվել են «Արարատ» միության երուսաղեմ կատարած ուխտագնացության ընթացքում:
Միջոցառումը մեկնարկվեց տեսահոլովակների ցուցադրություններով, որից հետո բեմ հրավիրվեց «Արարատ» միության համանուն երգչախումբը, որի կատարումներից հետո «Արարատ» միության հոգևոր առաջնորդ տեր Հակոբ քահանա Խաչատրյանը բեմ հրավիրեց ֆիլմի ստեղծագործական անձնակազմին` ֆիլմի հեղինակ Աննա Թամրազյանին, ռեժիսոր Էրիկ Սարգսյանին և օպերատոր Գուրգեն Ջանիբեկյանին ու նաև ֆոտոլրագրող Գագիկ Շամշյանին, ով ուխտագնցության ողջ ընթացքում եղել է ուխտավորների խմբում և իրականացրել մի շարք լուսանկարահանումներ:
Ֆիլմի հեղինակ Աննա Թամրազյանն իր խոսքում նշեց, որ Երուսաղեմի հայկական եկեղեցիներում ամեն գիշեր աղոթ է հնչում և ծեսեր են կատարվում` համայն հայության և Հայաստանի բարօրության համար, ինչին ի պատասխան, հայերն էլ պետք է ուխտի գնան Երուսաղեմ, հաղորդակից դառնան սրբավայրերին և լծակցեն Հայ եկեղեցու առաքելությանը. «ֆիլմը նկարահանել ենք այնպես, որ հանդիսատեսը նույնպես անցնի մեր անցած ճանապարհով»:
Միջոցառումը եզրափակվեց «Նորից այնտեղ` մեր տուն» ֆիլմի ցուցադրությամբ:
Ֆիլմը նվիրվում է Թեհրան-Երևան ինքնաթիռի վթարից զոհված Ռամոն Թառոյանսի և մյուս զոհվածների հիշատակին:
Հայկ Կիսեբլյան
Հ.Գ. ձեզ ենք ներկայացնում նաև առանձին տեսանյութ, որը պատմում է Երուսաղեմ ուխտայցի ժամանակ «Արարատ» միության համանուն երգչախմբի կողմից իրականացված համերգի մասին: