Ավտովթար: Շամշյանին ծեծի են ենթարկել
yerkir.am-ը տեղեկացնում է` երեկ երեկոյան, ժամը 21.40-ի սահմաններում, ոստիկանության Երևան քաղաքի վարչության ծառայողները Չարենցի և Մխիթար Հերացի փողոցների գետնանցման հատվածից բերման են ենթարկել երեք երիտասարդի, ովքեր ճանապարհատրանսպորտային պատահարի վայրում բացահայտ անհարգալից վերաբերմունք դրսևորելով հավաքված քաղաքացիների նկատմամբ` շուրջ 15 րոպե խախտել են հասարակական կարգն ու հայհոյել, քաշքշել և հարվածներ են հասցրել այնտեղ իր մասնագիտական գործունեությունն իրականացնող ֆոտոլրագրող Գագիկ Շամշյանին` պատճառելով մարմնական վնասվածքներ: Ոստիկանության լրատվական ծառայությունից տեղեկացնում են, որ նշանակվել է դատաբժշկական փորձաքննություն: Կատարվում է հետաքննություն: Ըստ yerkir.am-ի` Գագիկ Շամշյանն այդ պահին հերթական ավտովթարն է արձագանգրել` Խանջյան փողոցից դեպի Հերացի բարձրացող թունելում, որտեղ իրար են բախվել 4 մեքենաներ, որոնցից մեկում էլ գտնվել են Շամշյանին ծեծի ենթարկած, անսթափ վիճակում գտնվող երեք երիտասարդները:
Հ.Գ. Շատ եմ ցավում կատարվածի համար: Մի ահազանգ է այն, որ այսօր ալկոհոլ օգտագործած վիճակում, խախտումներով «քշող» վարորդ տղաները «մոդա» են: Եվս մի ոչ պակաս մտահոգիչ ահազանգ է այն, որ շատերը լրագրողի տեղի ու դերի մասին սխալ պատկերացում ունեն: Վերջին «մոդան» տիրում է համատարած… Գագիկ Շամշյանի դեպքում` գործ ունենք զուտ այնպիսի լրագրողի հետ, որը ընդամենը արձանագրում է այն` ինչ, որ «արել» են օրինախախտները… Գագիկը` ոչ բան է «հորինում» ու ավելացնում, ոչ էլ պակասեցնում է: Այն աղետները, որորնք որ տեղի են ունենում առանց այդ էլ սարսափելի են: Պետք չէ մեղադրել ուրիշներին` լրագրողներին ահաբեկել, ծեծել, սպանել պետք չէ: Ձեր օրինախախտություններին մի ավելացրեք ևս մեկը: Ուրիշներին երբեք ձեր մեղքի մեջ մի մեղադրեք: Դիմում եմ վարորդներին` Վթարի վայրում տուժածներին անօգնական թողնելուվ փախնելը` շան տղություն է և «Բարոյական Օրենքներից Զուրկ» արարք: Այդպես վարվողները լավ տղերքի մոտ անելիք չունեն` գլուխ գովալու տեղ չունեն: Ապրեք մարդավայել, ազնիվ: Արարքներին տեր կանգնեք` պատասխանը տվեք:
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Նյութի և կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
|