Լրագրողը մոռացել էր վերցնել իր «կրակմարիչը» . օգտվելով առիթից, որ լրագրողը լուրջ հակափաստարկներ չուներ` նրանք սկսեցին թոզ փչել անտեղյակ մարդկանց աչքերին, թե իբր «Հայ առաքելական եկեղեցու դավանաբանությամբ մենք աղանդ չենք, թե իբր լավ գործ ենք անում ու երկիրը չենք մասնատում, այլ ընդհակառակը շենացնում ենք, թե իբր բոլորս էլ ընդունում ենք Նիկիո հանգանակը, թե եկեղեցու հիմքերը չենք թուլացնում, թե Եհովայի վկայից առաջ մարդու դուռը պիտի թակի քահանան և այլն»:
Սկսենք սկզբից`
Թե Հայ Առաքելական Եկեղեցու դավանաբանությամբ մենք աղանդ չենք.
Հայ Առաքելական եկեղեցու դավանաբանությամբ աղանդ են համարվում այն կազմակերպությունները, որոնք շեղված են ընդհանրական եկեղեցու ավանդական ուսմունքից և դավանաբանական դրույթներից: Ու վերջապես չմոռանանք, որ յութուբյան տարածված տեսանյութը տեսնելուց հետո այս կազմակերպության ավագ եղբայրներն անգամ շտապեցին հրաժարվել նրանցից:
Թե բոլորս էլ ընդունում ենք Նիկիո հանգանակը.
Բայց չէ որ եկեղեցու հայրերը, որպեսզի հավատացյալները ձեզ պես մոլորության մեջ չհայտնվեն, ժամանակի ընթացքում մշակել են հավատին վերաբերող մի շարք դրույթներ, որոնք գալիս են անհրաժեշտաբար լրացնելու Նիկիո հանգանակը: Բացի այդ, աստվածաբանության համար նույնքան մեծ արժեք է ներկայացնում եկեղեցու Ավանդությունը, որը, սակայն, մեր նյութի հերոսները քաջաբար ժխտում են:
Թե չենք խարխլում, եկեղեցու կամ երկրի հիմքերը չենք մասնատում.
Իսկ ինչ անունով կոչես նման կազմակերպությունների արածը, եթե 1700 տարի քրիստոնեության գաղափարին հավատարիմ ազգին գոյության 100 տարին բոլորած կամ չբոլորած կրոնական կազմակերպությունները գալիս են ու սկսում սովորեցնել, թե ինչ է քրիստոնեությունը ու ինչպես պիտի մարդն ապրի իր հողի վրա:
Թե Եհովայի վկայից առաջ մարդու դուռը պիտի թակի քահանան.
Այս ասելուն պես նրանք բերում են Քրիստոսի օրինակը. Բայց Աստվածաշնչում, չի նշված որևէ տեղ, որ Քրիստոսը հավատի համար մուրացկանություն անի. Նա կանչում էր . ու ով համաձայնում էր գնալ նրա հետ, գնում էր: Ու վերջապես Աստված բոլորին է տվել ազատ կամք ու Աստծո տաճարի դռները բոլորի առաջ են բաց:
Թեական կետերը շատ էին այս անհասկանալի դիալոգ-մոնոլոգում, բայց թերևս այսքանով եզրափակենք: Եզրափակենք ու այս թյուրիմացություններից խուսափելու համար պահանջենք, որ հեռուստաեթերում նման մարդկանց կողքին լինեն այն մարդիկ, ովքեր թույլ չեն տա, որ միայն ասվելու համար ասվեն ինչ-ինչ բաներ….
Հ.Գ.
Գյումրեցի այս կրոնական առաջնորդներին հարցնում են
-Ձեր կրոնական կազմակերպություն աստղեր հաճախո՞ւմ են:
- Հիսուս Քրիստոսը, – պատասխանում է և ծիծաղում:
Իսկ մեզ մնում է լաց լինել նրանց այս պահվածքի և մեր հանդուրժողականության վրա: