 «ՄՏԱԾԵԼՈՒ ԺԱՄ» Ս. ՍԱՐԳԻՍ ԵԿԵՂԵՑՈՒՄ
Ամեն երեքշաբթի 18:00–ին Հայ Առաքելական Սուրբ եկեղեցու Արարատյան Հայրապետական թեմի Ս. Սարգիս Առաջնորդանիստ եկեղեցում կատարվում է խոկում` մտորելու ժամ: Արարողությունը կատարում է «Արարատ» հոգևոր միության հոգևոր հովիվ Տեր Հակոբ քահանա Խաչատրյանի հանդիսապետությամբ:
Արարողության ընթացքին` հոգևորականը հոգևոր թեմայով պատմություն է պատմում, կամ ընթերցում Աստվածաշնչյան մի հատված և մեկնաբանում, ուրից հետո` «Արարատ» միության համանուն երգչախումբը հոգևոր երգեր է կատարում, իսկ հավատացյալները խորհում են… Բոլոր ցանկացողները կարող են մասնակցել:
Հայ Առաքելական Սուրբ եկեղեցին, իր բոլոր արարողակարգերով և միջոցառումներով` իր բոլոր հավատավոր անդամների համար է: Եկեղեցու անդամ` նշանակում է եկեղեցու մասնիկ: Հայ Սռաքելական եկեղեցին` մի մեծ մարմին է, որի գլուխը Հիսուս Քրիստոսն է, իսկ Հայ Առաքելական եկեղեցու բոլոր անդամներն էլ այդ մարմնի անդամներն են` մասնիկները: Հետևաբար հարկ է, որ այդ մասնիկները ոչ միայն «անունով» այդպիսին լինեն այլ նաև իրենց պահվածքով` վարքով: Հարկ է, որ ոչ միայն մոմ վառելու կամ զուտ աղոտք անելու համար հաճախենք եկեղեցի, այլ նաև մասնակցենք եկեղեցու համայնքի միջոցառումներին` եկեղեցու արարողություններին, ուղտագնացություններին, հոգևոր դասերին…
Հ.Գ. Քրիստոնյա լինելը համակարգված է Աստվածաշնչով: Հայ Առաքելական Սուրբ եկեղեցին իր ավանդույթներով, իր հավատավորների համար կոնկրետ հոգևոր և բարոյական արժեհամակարգ է ձևավորել` աշխարհայացք: Սակայն կոնկրետ աշխարհայացքը չի նշանակում, որ այդ քրիստոնյաները պետք է կոնկրետ` ստատիկ լինեն և իրենց վարքն էլ նույնպիսին պետք է լինի: Այդպես չէ... Քրիստոնյա լիները կոնկրետ մոմ վառելով, կոնկրետ աղոթելով, կամ էլ միաժամանակ միևնույն դիրքով և նույն վայրում կատարվող գործողություններով չի եղել և երբեք էլ չի լինի: Հայ Առաքելական եկեղեցու քրիստոնյան կայուն աշխարհայացքով բայց միաժամանակ «աճող»` առաջ գնացող, իր հավատքի մեջ ավելի ամրացող անձ է:
Հայկ Կիսեբլյան | 
