 ԿԱՊԸ ԱՌԵՐԵՍՎԵՑ
Վերջին օրերին ՀԱԿ-ի շրջանում կրքերը սկսել են տեղի տալ: Բանն այն է, որ ըննդիմադիրները քաջ գիտակցում են, որ եթե սեպտեմբերի 9-ին հանրահավաքի ժամանակ չապահովվի լուրջ թվաքանակով մարդ, ապա հօդս կցնդեն այն բոլոր նպատակներն ու ծրագրերը, որոնք կապված են գալիք խորհրդարանական և նախագահական ընտրությունների հետ: Նամանավանդ, դա ավելի սրվեց այն պահից սկսած, երբ, ենթարկվելով իշխանության գայթակղությանը, ՀԱԿ-ի անդամները տանուլ տվեցին իրենց դիրքերը, որից հետո էլ սկսվեցին դժգոհությունները:
Փաստորեն վերջին շանսը, որն ինչ-որ կերպ ազդակ կարող է հաղորդել այն աստիճանաբար մարվող ընդդիմադիրների «շարժմանը»` սեպտեմբերի 9-ին հանրահավաքին անհրաժեշտ թվաքանակով մարդ ապահովելն է: Եվ քանի որ հենց ՀԱԿ-ի ներսում արդեն իսկ խռովություններ են սկսվել հետագա պայքարի շարունակության առումով (դա սկսվեց, հատկապես, իշխանություն-ՀԱԿ երկխոսության մեկնարկից սկսած, երբ ՀԱԿ-ի մի մասը դեմ էր դրան, իսկ մյուս մասը կողմ) և անտարբերությունն է սկսել տիրել նույնիսկ իր շարքերում, սեպտեմբերի 9-ի հանրահավաքին թվաքանակ ապահովելու նպատակով Կոնգրեսի ղեկավարությունը որոշել է ընդունել նաև «Կյանքի խոսք» կրոնական կազմակերպության (աղանդի) առաջարկը` իր անդամներով ՀԱԿ-ի հանրահավաքին մասնակցելու և փոխադարձ համագործակցության համար:  Նրանք օրեր առաջ այս մասին հայտ են ներկայացրել Կորյունի 19ա հասցեում գտնվող ՀԱԿ կենտրոնական գրասենյակ և ստացել են համաձայնություն: Ըստ որոշ լուրերի, հանրահավաքի ժամանակ սպասվում է նաև աղանդավորական կազմակերպության հայտնի քարոզիչներից մեկի ելույթը բեմահարթակից:
Նյութը` emedia.am-ից 12:23, Սեպտեմբերի 6, 2011
 Հ.Գ. Այն ինչ որ ես բազմիցս ասել եմ, այսօր դարձավ «բացահայտում» և քննարկման առարկա: Մի անգամ էլ կկրկնեմ: ՀԱԿ և եհովայական-կյանքիխոսքական համագործակցություն գոյություն ունի, որը ուղակի շահերի զուգատիպություն է: Վրաստան, Բելոռուսիա, Ուկրաինա` ահա մեզ քաջ հայտնի այն երկրները, որոնցում նույնպես ընդդիմադիր ուժերը սերտ համագործակցել են կրոնական ընդդիմությունների` «աղանդավորական խմբակների» հետ: Բոլոր այս դեպքերում էլ` ընդդիմադիրները զուտ ամերիկայամետ դիրքորոշում ունեին: Այն որ աղանդները ամերիկյան մասսոնների հորինած գործակալություններն են` ապացուցվում է ևըս մեկ անգամ:
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
| 
