 Ցուցահանդես «Իմ ձին իմ թևերն է»
«Կենտավր» Հիպոթերապիայի և ձիավարության կենտրոնը` «Օգնիր քեզ» հասարակական կազմակերպության հետ համատեղ, կազմակերպել է «Իմ ձին իմ թևերն է» խորագրով լուսանկարների ցուցադրություն, որը ներկայացնում է Հայաստանում միակ հիպոթերապիայի կենտրոնում 4 տարիների ընթացքում արված, ինչպես նաև `լուսանկարիչներ Կարեն Հովհաննիսյանի, Նիկոլայ Ավակովի, Բիայնա Մահարու, Գագիկ Խաչատրյանի, Մաշա Միրիջանյանի, Շուշան Հարությունյանի, Լորանս Ռիթերի, Հասմիկ Հովհաննիսյանի լուսանկարները: Ինչպես տեղեկացնում է «Կենտավր» Հիպոթերապիայի և ձիավարության կենտրոնի նախպագահ Հասմիկ Հովհաննիսյանը, կենտրոնն իրականացնում է հիպոթերապիա ֆիզիկական եւ մտավոր խնդիրներ ունեցող երեխաների ու մեծահասակների համար, ինչպես նաև ձիավարության սիրողական և պրոֆեսիոնալ դասընթացներ: Աշխարհում լայնորեն տարածված հիպոթերապիայի մեթոդը Հայաստան է ներմուծվել «Կենտավր» հիպոթերապիայի կենտրոնի կողմից` 3 տարի առաջ:  Ցուցահանդեսի նպատակն է`տեղեկացնել կենտրոնի գործունեության մասին և կազմակերպել դրամահավաք.«Աշխատում ենք տարածքում, որը մեզ չի պատկանում: Տարածքի սեփականատերը տարածքն ուզում է վաճառել և մեր նպատակն է`գնել այն»,-ասում է նախագահ Հ. Հովհաննիսյանը` հավելելով, որ կենտրոնը փրկելու նպատակով կազմակերպվել են տարբեր միջոցառումներ: Լուսանկարիչ Մաշա Միրիջանյանի նկարներն արվել են բնության գրկում և Արտահայտում են մարդկանց ու կենդանիների միջև կապը. «Կենդանու էներգիան օգնում և բուժում է մարդկանց»,-ասում է Մ. Միրիջանյանը:
Երկրային դրախտ կարելի է գտնել իմաստության գրքերում, կնոջ սրտում եւ ձիու մեջքին: Արաբական ասացվացք
Առանց հեղինակի թույլտվության մասնակի, կամ ամբողջական կրկնօրինակումը արգելվում է Նյութի հեղինակային իրավունքները պատկանում են Լուիզա Սուքիասյանին Կայքի հեղինակային իրավունքները պատկանում են Հայկ Կիսեբլյանին Կայքում արտահայտված կարծիքները կարող են չհամընկնել կայքի խմբագրության տեսակետի հետ Գովազդների բովանդակության համար կայքը պատասխանատվություն չի կրում
| 
