ԳԼԽԱՎՈՐ ԷՋ ԳՐԱՆՑՎԵԼ ՄՈՒՏՔ /ԿՐ / 2020-08-09 / 4:47:01 AM /



ПОИСК НА САЙТЕ / SEARCH







 
» ԱՂԱՆԴՆԵՐԻ ԵՎ ՍԱՏԱՆԻԶՄԻ ԴԵՄ ՊԱՅՔԱՐ [104]
» ԱՆՑՈՒԴԱՐՁ [63]
» ՔԱՂԱՔԱԿԱՆ ՀՐԱՊԱՐԱԿ [52]
» ԲՌՆՈՒԹՅՈՒՆՆԵՐԻ ԵՎ ԹՐԱՖԻՔԻՆԳԻ ԴԵՄ ՊԱՅՔԱՐ [27]
» ԳԵՆԴԵՐ / ՍՈՑԻԱԼԱԿԱՆ [27]
» ՄԻՋԱԶԳԱՅԻՆ ՓՈԽՀԱՐԱԲԵՐՈՒԹՅՈՒՆՆԵՐ [48]
» ՀԱՅ ԱՌԱՔԵԼԱԿԱՆ ԵԿԵՂԵՑԻ [81]
» ԿՐԹՈՒԹՅՈՒՆ / ԳԻՏՈՒԹՅՈՒՆՆ ԱՅՍՕՐ / IT [41]
» ԱՐՎԵՍՏ / ԱՐՀԵՍՏ / ՄՇԱԿՈՒՅԹ [9]
ԳԼԽԱՎՈՐ ԷՋ » 2010 » ՆՈՅԵՄԲԵՐ » 19 » ՀԵԹԱՆՈՍԱԿԱՆ ՏԱՃԱՐԻՑ ՀԱՅ ԱՌԱՔԵԼԱԿԱՆ ՍՈՒՐԲ ԵԿԵՂԵՑԻ: ՄԱՍ 1
7:05:18 PM
ՀԵԹԱՆՈՍԱԿԱՆ ՏԱՃԱՐԻՑ ՀԱՅ ԱՌԱՔԵԼԱԿԱՆ ՍՈՒՐԲ ԵԿԵՂԵՑԻ: ՄԱՍ 1
ՀԵԹԱՆՈՍԱԿԱՆ ԵՎ ՔՐԻՍՏՈՆԵԱԿԱՆ ՏԱՃԱՐՆԵՐ

  «Հեթանոս» բառը վերցված է ասորական ձևից… 
  Հայոց մարդակերպ աստվածները (Վահագն, Արամազդ, Վանատուր, Տիր, Միհր, Անահիտ, Նանե, Աստղիկ) համակարգված էին միասնական դիցարանում և ունեին իրենց որոշակի տեղը (տաճարը, մեհյանը), դերն ու պաշտամունքը: Հեթանոսական տաճարը` նվիրված այս կամ այն աստծո պաշտամունքին, տարբերվում էր քրիստոնեական հոգևոր շինություններից և ճարտարապետական, և գաղափարական առումով: 
  Զուտ կրոնական շինություն լինելուց բացի, հեթանոսական տաճարը հանդիսանում էր նաև ժողովրդական զանգվածների ժողովման, տարբեր հանդիսությունների ու զոհաբերությունների համար նախատեսված մի յուրահատուկ վայր, և այդ նպատակին էր հատկապես ծառայում նրա առջև տարածված հրապարակը: Ժողովրդի մուտքը տաճար հիմնականում արգելված էր, որովհետ¨ բազմաբնույթ ծիսակատարություններն ու արարողությունները կատարվում էին դրսում: Հետևաբար և հիմնական շեշտը դրվում էր տաճարի ծավալի ու արտաքին հարդարման վրա: Ներքին տարածությունը, ուր լինում էր հիմնականում քրմական դասը, աչքի էր ընկնում իր համեստ հարդարմամբ: Այդ առումով քրիստոնեական եկեղեցին բավական տարբերվում էր հեթանոսական տաճարից, քանի որ ծիսական արարողությունները կատարվում էին եկեղեցու ներսում: 
  Վաղ շրջանում եկեղեցիները իրենց չափերով մեծ էին, քանի որ գլխավոր նպատակն էր հնարավորինս շատ հավատացյալների տեղավորել ներսում, ուր և կատարվում էր պատարագը: Այս տեսանկյունից առաջնային էր համարվում կառույցի մեծ չափերը, ինչը չի կարելի ասել հեթանոսական շրջանի ուրարտական հուշարձանների մասին, որոնք փոքր ծավալի պաշտամունքային կառույցներ էին: Վերջիններիս դռների մոտ կանգնեցվում էին պահապան հոգիների արձանները: Դրանք երբեմն առյուծի կամ ցուլի մարմնով էին, սակայն մարդկային գլուխներով: Առանձին խումբ էին կազմում աստվածների բրոնզե պատկերները` ծածկված ոսկե շերտով և գունավոր քարերով: 
  Դրանց ոչնչով չէին զիջում նաև հելլենիստական շրջանի հուշարձանները: Այս ժամանակահատվածում Հայաստանում տարածվում է հելլենիզմը (հունականություն), որը կապակցվելով տեղական ազգային մշակույթի ավանդույթների հետ, ձևավորում է նոր որակ: Այդ շրջանի ամենաուշագրավ կառույցներից է Գառնու հեթանոսական տաճարը (մ.թ.ա. 2-րդ դար): 

 Առանց հեղինակի թույլտվության մասնակի, կամ ամբողջական կրկնօրինակումը արգելվում է: 
 Նյութի հեղինակային իրավունքները պատկանում են Արման Կարապետյանին կայքի հեղինակային իրավունքները պատկանում են Հայկ Կիսեբլյանին Կայքում արտահայտված 
կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

ԲԱԺԻՆ: » ՀԱՅ ԱՌԱՔԵԼԱԿԱՆ ԵԿԵՂԵՑԻ | WEBmaster: HAYKKISEBLYAN | ԹԵԳԵՐ: Արամազդ, Վահագն, Միհր, Աստղիկ, Վանատուր, Նանե, Տիր, Անահիտ P.R.+1734 ՎԱՐԿԱՆԻՇ 0.0/0
ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ: 0
Добавлять комментарии пользователи.
[ Регистрация | Вход ]
ԿԻՍԵԲԼՅԱՆ ՀԱՅԿ / KISEBLYAN HAYK / КИСЕБЛЯН АИК
«  ՆՈՅԵՄԲԵՐ 2010  »
ԵՐԿԵՐՉՐՀՆՈՒՐՇԲԿՐ
1234567
891011121314
15161718192021
22232425262728
2930





free counters
Musaler INFO project, by Hayk Kiseblyan