Ներկայացված փաթեթում առաջարկվում է արգելված գոտիներում ծխողներին տուգանքի ենթարկել 5 հազար դրամի չափով, իսկ տուգանելու պատասխանատվությունը վստահված է ոստիկաններին: Այդ մասին պատմեց «Հայաստանն առանց ծխախոտի» դաշինքի համակարգող Դիանա Պետրոսյանը:
Առողջապահության ազգային ինստիտուտը 2004 եւ 2009 թվականներին իրականացրել է հարցում` պարզելու համար դեռահասների շրջանում ծխելու տարածվածության ցուցանիշը: Հարցումն իրականացվել է հանրապետության 60-ից ավելի դպրոցներում եւ մասնակցել են 13-15 տարեկան երեխաները: 2004-ի համեմատությամբ 2009-ին դեռահասների շրջանում ծխախոտի տարածվածության աճ չի նկատվել: Կանոնավոր ծխողների թիվը աղջիկների շրջանում 1 տոկոս է եղել, իսկ տղաների մոտ տատանվում է մինչեւ 6-7 տոկոս:
1987 թվականին Առողջապահության համաշխարհային կազմակերպությունը մայիսի 31-ը սահմանել է որպես Ծխելու դեմ պայքարի համաշխարհային օր: Կազմակերպության տվյալներով` 20-րդ դարում ծխելու հետեւանքով մահացել է 100 մլն մարդ, աշխարհում գրանցված յուրաքանչյուր 10-րդ մահվան պատճառը նույնպես ծխախոտն է:
Նյութը` azatutyun.am-ից 31.05.2011 Նարինե Ղալեչյան ՄԱՔՍԼԻԲԵՐԹԻ
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին:
Կայքում արտահայտված կարծիքները կարող են չհամընկնել կայքի խմբագրության տեսակետի հետ:
Գովազդների բովանդակության համար կայքը պատասխանատվություն չի կրում:
«Հակածխախոտային» օրենքի նոր նախագիծն ավելի խիստ է ծխողների նկատմամբ