 ԱՅՆ ԳՐԱՎՈՒՄ Է ՄԵԶ
Վերջին տարիներին հասարակության շրջանում հաճախ է շրջանառվում «էմո» բառը, եւ հետաքրքիրն այն է, որ յուրաքանչյուր ոք յուրովի է այն մեկնաբանում: Ու ստացվում են դեռահասների մասին առասպելներ, որոնք հեռու են իրականությունից ու մանավանդ «էմո» հասկացությունից: Վերջին շրջանում կատարվող ինքնասպանությունների մեծ մասը կապում են Էմոների հետ: Իսկ ինչն է ձգում անչափահասներին համալրել էմոների շարքերը, ինչ գաղափարախոսության շուրջ են համախմբվում վերջիններս: Այս խառնաշփոթի մեջ ճիշտ հետեւություններ անելու համար փորձեցինք զրուցել մանկական երկաթուղու մոտ հավաքվող էմոներից մի քանիսի հետ, ովքեր մեծ դժվարությամբ, բայց, այնուամենայնիվ, պատասխանեցին մեր հարցերին.
- Որն է ձեր գաղափարախոսությունը, որոնք են ձեր հետաքրքրությունները:
- Մենք դեմ ենք բռնությանը, չարին ու խաղաղության կողմնակիցներ ենք, չենք ընդունում այս դաժան կյանքի օրենքներն ու ցանկանում ենք ապրել միայն խաղաղ, իսկ մեր արտաքինով ցանկանում ենք տարբերվել այս դաժան աշխարհի մարդկանցից ու ցույց տալ, որ մենք նման չենք նրանց: Իսկ մեկ այլ Էմո հավելեց. - Մենք չենք գովերգում մահվան գեղեցկությունը եւ չենք ձգտում դրան: Մենք վախենում ենք մահից, բայց միաժամանակ այն գրավում է մեզ, որովհետեւ կարող է փրկություն լինել միայնությունից եւ ցավից, որը զգում է յուրաքանչյուր էմո այս դաժան աշխարհում: Մեր շարքերն են գալիս նրանք, որոնց բնորոշ է թախիծը, որոնք իրենց ճնշված ու մեկուսացած են զգում արտաքին աշխարհից:
ԻԼՈՆԱ ԱԶԱՐՅԱՆ Իրավունք Թերթ Չորեքշաբթի, 28 Նոյեմբեր 2012 iravunk.com
|
