 «Չենք լռելու»-ն խնդրում է վերջ դնել Կաթողիկոսի հրաժարականը պահանջող խմբերի զարգացմանն ու տարածմանը
Երեւան: Մեդիամաքս: «Չենք լռելու» երիտասարդական նախաձեռնությունն այսօր խնդրել է Facebook սոցիալական ցանցի օգտատերերին վերջ դնել Ամենայն Հայոց Կաթողիկոս Գարեգին Բ-ի հրաժարականը պահանջող խմբերի զարգացմանն ու տարածմանը:
«Այդ խմբերի գոյությունը միեւնույն է որեւէ օգուտ չի տալու եւ իզուր տեղը ջուր է լցնում հակահայկական գործունեությամբ զբաղվող օտարածին կրոնական աղանդների ջրաղացին», - ասված է նախաձեռնության հաղորդագրության մեջ:
Նյութը` mediamax.am –ից Չորեքշաբթի 20 Հուլիս 2011 17:41
Հ.Գ. Հիշեցնեմ, որ երեկ "ԱրմԻնֆոն" տարածել էր, թե պատմաբան Սամվել Կարապետյանն իրեն հաղորդել էր, որ Ամենայն Հայոց կաթողիկոսի հետ իր վերջին հանդիպման ընթացքում կրկին բարձրացրել է Սանահինի վանքի խնդիրը` հիշեցնելով, որ այդ պատմական հուշարձանի տանիքին ամբողջական անտառ է աճել:
Ըստ գործակալության, Ս. Կարապետյանն իբրեւ թե ասել էր, որ առաջարկել է Սրբազանին նոր եկեղեցիների կառուցման համար նախատեսված միջոցների թեկուզ մի մասն ուղղորդել այդ խնդրի լուծմանը: Սակայն ի պատասխան լսել է, թե Վեհափառը գործ չունի լեռներում գտնվող վանքերի եւ եկեղեցիների հետ: Իսկ այսօր` Սամվել Կարապետյանը հերքել է այդ լուրը:
Առանց հեղինակի թույլտվության մասնակի, կամ ամբողջական կրկնօրինակումը արգելվում է:
Կայքի հեղինակային իրավունքները պատկանում են Հայկ Կիսեբլյանին:
Կայքում արտահայտված կարծիքները կարող են չհամընկնել կայքի խմբագրության տեսակետի հետ:
Գովազդների բովանդակության համար կայքը պատասխանատվություն չի կրում:
|
