ՄԱՄՈՒԼԻ ԱԶԳԱՅԻՆ ԱԿՈՒՄԲԻ ՀՅՈՒՐՆ ԷՐ ՍՏՅՈՊԱ ՍԱՖԱՐՅԱՆԸ
Մարտի 5-ին մամուլի ազգային ակումբում ուսանողների հետ հանդիպմանը <<Ժառանգություն>> խմբակցության ղեկավար, ԱԺ պատգամավոր Ստյոպա Սաֆարյանը խոսելով քաղաքականության մասին նշեց.<< Հայաստանում կա մի հիմար թեզ` մենք չկանք քաղաքականության մեջ: Չեն հասկանում, որ ամեն ոլորտ ինչ-որ չափով քաղաքականություն է>>: <<Եթե չես զբաղվում քաղաքականությամբ, ապա քաղաքականությունն է զբաղվում քեզնով>>,- ավելացրեց նա:
Օրինակ բերելով Մաշտոցի այգու բողոքի ակցիան Սաֆարյանը ասաց.<< Մաշտոցի այգում էլ կան մասնակիցներ, որոնք պնդում են, որ իրենք քաղաքականությունից հեռու են : Այն ուժը, որը ազդում է որոշումների կայացման վրա քաղաքականություն է>>: Գոհար Փեփոյանի այն հարցին թե ինչպես է վերաբերվում ԱԺ պատգամավորը , որ խորհրդարանում ավելանան կին պատգամավորներ , բանախոսը պատասխանեց.<< Ես կողմ եմ: Կանայք ուրիշ ձև են մտածում , տղամարդիկ` ուրիշ: Չբերել ու չհամեմատել ուղղակի չի կարելի>>: Դավիթ Դավթյանին էլ հետաքրքրական էր Հայաստանում բազմաթիվ կուսակցությունների առկայության դրական և բացասական կողմերը: Այս հարցին Ստյոպա Սաֆարյանը պատասխանեց.<< Լավ չէ, որ հայաստանում կա 100-ից ավելի կուսակցություններ: Պատճառները 3 են: 1. հայերի ամբիցիաներ ունենալու փաստն է: 2. իշխանությունները ամեն ինչ արել են, որ կուսակցությունները մասնատվեն: 3. Քաղաքականությունը դարձել է բիզնեսի լավագույն ձևերից մեկը: Նա ով ուզում է իշխանությունից պատառ փախցնել բացում է կուսակցություն : Արդյունքում մենք ունենք քաղաքականությունը, որպես բիզնես, -հավելեց վերջինս:
Մետաքսյա Ավագյան
|