Երևանի Ճարտարապետության և շինարարության պետական համալսարանում բացվեց ցուցահանդես,որի աշխատանքները պատկանում են 1970-ական թվականներին սկզբնավորված հիպեր-ռեալիստական ոճին: Առաջին անգամ ներկայացվեց երիտասարդ դիզայներների հեղինակած հիպեր-ռեալիստական ուղղության 62 աշխատանք:
Հիպերռեալիստական ոճն ավելի շատ կենտրոնանում է մանրամասների ու առարկաների վրա: Այս նկարները լուսանկարների զուտ մեկնաբանումներ չեն, այլ նրանց մեջ օգտագործվում են նուրբ պատկերավոր տարրեր, որոնք ստեղծում են իրականության իլուզիա:
«Պատկերացնենք մի զարգացած երկրի տեսարան, որտեղ միշտ աղմուկ է, եւ հեղինակը ուզում է նկարել այդ քաղաքի տեսարանը: Քանի որ աղմուկը խանգարում է նկարել, նա իր պատկերացրաց նկարը վստահում է ֆոտոխցիկի օբյեկտիվին, իսկ հետո այդ լուսանկարը դառնում է իր ստեղծագործության հիմքը:Այս ոճում ստեղծագործողի հիմնական նպատակը տվյալ իրերի կամ առարկաների նյութը ճիշտ արտապատկերելն է »- ասաց ցուցահանդեսի ղեկավար, համալսարանի «Դիզայն» ամբիոնի դասախոս, դիզայներ Հայկազ Արսենյանը` հավելելով, որ այս ցուցահանդեսին ուսանողները պատրաստվել են մեկ ամսում:
Ցուցահանդեսի մասնակից, դիզայն-նախագծում ֆակուլտետի ուսանողուհի
Տաթեւի նկարները կենցաղային թեմաներով են; «Հատկապես սիրում եմ ապակու ֆակտուրան, որն էլ իմ նկարներում նույնպես արտացոլվում է»-ասաց Տաթեւը: Իսկ այն հարցին, թե հատկապես որ աշխատանքն է իրեն առավել դուր եկել, Տաթեւն ասաց. « Ինձ բոլոր գործերը դուր են գալիս, ավելի շատ` քան իմը, եւ հատկապես Արեվիկի նկարները, որում կրկին ապակին է գերակշռում»:
Ճարտարապետության թեկնածու Արտաշես Մելիքյանը ասաց, որ այսպիսի միջոցառումները նպաստում են ուսանողների առաջադիմությանը, եւ նրանք , բացի ուսումնական ծրագրից կարողանում են բացահայտել իրենց: Իսկ մասնագիտական հետաքրքրությունը մի կողմ դնելով, որպես դիտորդ,Ա. Մելիքյանը նշեց, որ ցուցահանդեսը բարձր մակարդակի վրա է կազմակերպված եւ ակնհայտ է ուսանողների ոգեւորությունը:
«Կարծում եմ, որ նման միջոցառումներ եթե շատ լինեն, ուսանողների հետաքրքրությունն էլ ավելի կմեծանա թե´ արվեստում, եւ թե´ ստեղծագործական ձեռքբերումներում:
Դիզայնի ամբիոնի վարիչ Աշոտ Բաղդասարյանը նշեց, որ ցուցահանդեսի լավագույն աշխատանքները նպատակ կա ներակայացնել նաեւ Հայաստանի մի քանի մարզերում: Իսկ մասնագետները, մինչ ցուցահանդեսի ավարտը, հատուկ մատյանում կգրեն , թե որ երեք աշխատանքներն են լավագույնը համարում: Այդ աշխատանքները կքննարկվեն ցուցահնդեսի փակման արարողության ժամանակ եւ լավագույն մասնակիցները կպարգեւատրվեն: Այժմ տպագրվում է մի նմուշագիրք, որը մարդկանց, ովքեր ներկա չեն եղել ցուցահանդեսին, հնարավորություն կտա ծանոթանալ աշխատանքների հետ:
Առանց հեղինակի թույլտվության մասնակի, կամ ամբողջական կրկնօրինակումը արգելվում է:
Նյութի հեղինակային իրավունքները պատկանում են Աննա Բադալյանին:
կայքի հեղինակային իրավունքները պատկանում են Հայկ Կիսեբլյանին:
Կայքում արտահայտված կարծիքները կարող են չհամընկնել կայքի խմբագրության տեսակետի հետ:
Գովազդների բովանդակության համար կայքը պատասխանատվություն չի կրում:
Ինձ բոլոր գործերը դուր են գալիս, ավելի շատ` քան իմը