 ԾՆՈՒՆԴԸ ՏՈՆՎԵՑ
Աստվածածնի ծննդյան օրը նաև Մարիամ անունը կրողների անվանակոչության օրն է: Աստվածամոր ծննդյան օրը նրա անունը կրող եկեղեցիներում պատարագի արարողություն է կատարվում: Սեպտեմբերի 8-ին Փարաքարի Սբ. Մարիամ Աստվածածնի եկեղեցին բազմամարդ էր: Ասյտեղ հավաքվում էին ոչ միայն տեղացիները, այլև բնակիչներ հարակից համայնքներից: Սբ. Աստվածածին եկեղեցու հոգևոր հովիվ Տեր Պարթև քահանա Աշուրյանի հանդիսապետությամբ կատարվեց պատարագ, մատուցվեց հաղորդություն, որին մասնակցեցին մեծ թվով երիտասարդներ և դպրոցականներ: Պատարագից հետո` Այգեկ գյուղի դպրոցականները ընդհանրական և անհատական աղոթքներ ընթերցեցին: ի դեպ` Այգեկը եկեղեցի չունի, սակայն համայքնի Մուշեղ Մովսիսյանի անվան դպրոցի սաները Կազմակերպչական գծով փոխտնօրեն Սիրանուշ Բարսեղյանի նախաձեռնություններով հաճախ են այցելում Փարաքարի եկեղեցիներ:
Աղոթքներից հետո, դպրոցական և ուսանող ուխտավորներին իր օրհնանքը բերեց Տեր Պարթև քահանա Աշուրյանը: Տեր Հայրը ողջունեց ուխտավորների նախաձեռնությունը, շնորհավորեց Սբ. Մարիամի անվանակիցներին, և նրանց, ում ծննդյան օրը համնկել է Տիրամոր ծննդյան տոնի հետ: Այս տոնակատարության հետ է համնկել նաև Փարաքարի երիտասարդական միությունների ատենապետ դպիր Արմեն Սարգսյանի ծննդյան տարեդարձը, որի համար էլ եկեղեցու բակում փոքրիկ հյուրասիրություն կազմակերպվեց` սիրո ճաշ:
 Հ.Գ.
Ըստ Սուրբ գրքի` Աստվածածնի ծնողները` Հովակիմը և Աննան, մինչև ծերություն զավակ չեին ունենում, բայց միշտ աղոթում էին Աստծուն ու խնդրում, որ իրենց զավակ պարգևի: Նրանց աղաչանքները լսելի են դառնում, և Աստված մի դուստր է պարգևում նրանց, ում կոչում են Մարիամ:
Ի դեպ` մենք դեռ կանդրադառնանք Այգեկ համայնքի խնդիրներին, և այնտեղի «եկեղեցուն»` որը դեռ չկա:
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Նյութի և կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
| 
