Դերսիմում այս օրերին անցկացվելու է Մնձուրի բնության եւ մշակույթի փառատոնը։ Ժամանակակից Թուրքիայում գտնվող պատմական Խարբերդի այս շրջանում, որն ավերածություններ ու կոտորած է տեսել ինչպես 1915-ին, այնպես էլ 1936-38 թվականներին, արդեն ավանդական դարձած փառատոնին մասնակցում են հազարավոր մարդիկ: Վերջին շրջանում բազմաթիվ դերսիմցիներ վերադառնում են իրենց հայկական արմատներին։ Իսկ այսօր, Արեւմտահայության հարցերի ուսումնասիրման կենտրոնի նախաձեռնությամբ, Երեւանից մի քանի տասնյակ մարդ ուղեւորվել է Դերսիմ՝ ներկա գտնվելու փառատոնին, նաեւ ազգագրական երգի «Մարաթուկ» համույթը։ Նրանց այցելությունը կազմակերպել է Դերսիմի հայերի միությունը։ Այցելություններ են լինելու նաեւ Վան, Մուշ, Դիարբեքիր եւ այլ բնակավայրեր։ Ուխտավորներին ուղեկցում է նաեւ «Երկիր Մեդիայի» նկարահանող խումբը:
Նյութը` yerkir.am –ից 26.07.2011 Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում: