Ռուսաստանի ամենահարուստ հայերը (առաջվա պես) ապահովագրողներն են: Ամերիկյան հեղինակավոր Forbes ամսագրի ռուսական տարբերակը՝ Forbes Russia-ն, հրապարակել է Ռուսաստանի 200 ամենահարուստ մարդկանց վարկանշային աղյուսակը Forbes Russia-ն Ռուսաստանում միևնույն՝ 1.5 մլրդ դոլար ցուցանիշով ամենահարուստ հայեր է ճանաչել ապահովագրական ոլորտը ներկայացնող միանգամից երեք բիզնեսմենի՝ Նիկոլայ և Սերգեյ Սարկիսով եղբայրներին՝ «Ռեսո Գարանտիա» ապահովագրական ընկերության հիմնական բաժնետերերին (նախորդ տարվա կարողությունը՝ 950 մլն դոլար) և Դանիլ Խաչատուրովին՝ «Ռոսգոսստրախ» ընկերության հիմնական բաժնետիրոջը (նախորդ տարվա կարողությունը՝ 1.2 մլրդ դոլար): Նրանց հետևում է «Տաշիր» խմբի սեփականատեր Սամվել Կարապետյանը՝ 1.4 մլրդ դոլար ունեցվածքով (նախորդ տարվա կարողությունը՝ 750 մլն դոլար): Ուշագրավ է, որ Forbes Russia-ն Սամվել Կարապետյանի վերաբերյալ տեղեկանքում նշում է, որ 1991թ. Կարապետյանի և նրա ընկերների նախաձեռնությամբ Հայաստանի Կալինինո քաղաքը վերանվանվել է Տաշիր, ինչպես նաև, որ նրա եղբայրը ՀՀ նախագահի աշխատակազմի ղեկավարն է։ Աղյուսակի 180-րդ հորիզոնականում է հանգրվանել մեկ այլ հայազգի գործարար՝ Ռուբեն Վարդանյանը, որի կարողությունը գնահատվել է 0.5 մլրդ դոլար (նախորդ տարվա կարողության մասին տեղեկատվությունը բացակայում է): Նյութը` ըստ Tert.am-ի 15.04.11
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
|