ՄԻՊ գրասենյակն ուսումնասիրում է կրպակների ապամոնտաժման գործընթացը
Մարդու իրավունքների պաշտպանի գրասենյակը տեղեկատվություն է տարածել, որում նշվում է, որ Պաշտպանի գրասենյակն ուսումնասիրում է Երևանում կրպակների ապամոնտաժման գործընթացի օրինականությունը։
«Մարդու իրավունքների պաշտպան Կարեն Անդրեասյանը մտահոգված է Երևանում կրպակների ապամոնտաժման գործընթացով, և ներկայումս գրասենյակը ուսումնասիրում է դրա օրինականությունը՝ պարզաբանումներ պահանջելով համապատասխան իրավասու մարմիններից և խնդրին առնչվող անձանցից: Այսօր Պաշտպանի գրասենյակի աշխատակիցները, ահազանգ ստանալով, եղել են Կոմիտաս-Փափազյան փողոցների խաչմերուկում՝ կրպակների ապամոնտաժման վայրում, և դեպքի մանրամասները զեկուցել են Պաշտպանին: Խնդրի վերաբերյալ իր գնահատականները Պաշտպանը կներկայացնի օգոստոսի 16-ին»,- ասվում է Պաշտպանի գրասենյակի տարածած հաղորդագրությունում:
Նյութը` Tert.am –ից 19:28 • 10.08.11
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
|