Այս մասին խոսեց Մայր Աթոռի միաբան Միքայել սարկավագ Հակոբյանը դեկտեմբերի 11-ին Փարաքարի Սբ Հարություն եկեղեցում «Մանանա» երիտասարդական ծրագրի շրջանակներում կազմված հանդիպման ժամանակ:
Ըստ բանախոսի` Երաժշտությունը շատ մեծ ազդեցություն է թողնում մարդկանց վրա. «Ռոք համերգներից հետո` բազմաթիվ ինքնասպանություններ են լինում: ԱՄՆ-ում` հերթական համերգից հետո յոթ երիտասարդ է ինքնասպան եղել: Կատարվածը կարելի էր զուգադիպություն համարել, բայց ուսումնասիրություններ են արվել եւ այլ բան է բացահայտել»:
Ըստ Միքաել սարկավագի` երիտասարդները կապ չունեին թմրանյութերի հետ, ոչ քրեական կյանքի հետ, ոչ էլ ալկոհոլի հետ` նրանց վրա ազդել է միայն երաժշտությունը:
«Դիփ Փարփլ» ռոք խմբի կատարումներից որոշները «հակառակ» վերծանելիս բացահայտվում են թաքնված «ենթագիտակցական» տեքստեր: Այսպիսի deep purple reverse version կատարումները կարող էք գտնել նաեւ Յութուբ կայքում:
Բանախոսի կարծիքով այսպիսի
կատարումների «ուղիղ» տարբերակներ լսողները ոչ մի տարօրինակություն չեն նկատում, սակայն` դրանք ուշ թե շուտ թողնում են իրենց կործանարար ազդեցությունը. «այս երգերը հաճախ են ստեղծում աֆեկտային` անջատվածության ազդեցություն, որը դուր է գալիս շատերին եւ կախվածություն է ստեղծում»:
Միքաել սարկավագը հայտնեց, որ ՀՀ-ում գործող աղանդների մի մասը նույնպես օգտագործում է այս տեսակի երգ եւ երաժշտություն. «Հենց այսպիսի աֆեկտային անջատվածության վիճակում է, որ աղանդավորները սկսում էն լսել եւ ենթարկվել իրենց քարոզիչներին»:
Musaler.do.am-ի այն հարցին թե որ երկրներում այսպիսի «ստեղծագործությունները» արգելող օրենքներ կան հարցին ի պատասխան Միքաել սարկավագը հայտնեց. «ԱՄՆ-ի յոթ կամ ութ նահանգներում կան օրենքներ, որոնք թաքնված ենթագիտակցական տեքստեր պատունակող երգերը արգելվում են, իսկ ստեղծողներին ու հրապարակողներին դատ է հասնում»: Բանախոսը վստահ է, որ հայաստանում նման բան չկա: Աղանդավորական «արգելված» երգ-երաժշտությունը տարածվում է անարգել, իսկ «Դիփ-Փարփլը» կարող է նույնիսկ անարգել դասավանդվել դպրոցներում` երգի ժամին:
Բանախոսը խորհուրդ է տալիս լսել ժողովրդական, դասական եւ մաքուր հոգեւոր երգ-երաժշտություն. «Դեռ անտիկ ժամանակաշրջանում էլ էր սա հայտնի` Պլատոնը հիվանդներին դեղեր նշանակելիս նաեւ համապատասխան երաժշտություն է նշանակել ու հորդորել լսել` տեղեկացնելով, որ չլսելու դեպքում` դեղը արդյունավետ չի գործի»:
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Նյութի և կայքի հեղինակային իրավունքները պատկանում են Հայկ Կիսեբլյանին:
Կայքում արտահայտված կարծիքները կարող են չհամընկնել կայքի խմբագրության տեսակետի հետ:
Գովազդների բովանդակության համար կայքը պատասխանատվություն չի կրում: