ԳԼԽԱՎՈՐ ԷՋ ԳՐԱՆՑՎԵԼ ՄՈՒՏՔ /ՀՆ / 2024-03-28 / 7:25:12 PM /



ПОИСК НА САЙТЕ / SEARCH







 
» ԱՂԱՆԴՆԵՐԻ ԵՎ ՍԱՏԱՆԻԶՄԻ ԴԵՄ ՊԱՅՔԱՐ [104]
» ԱՆՑՈՒԴԱՐՁ [63]
» ՔԱՂԱՔԱԿԱՆ ՀՐԱՊԱՐԱԿ [52]
» ԲՌՆՈՒԹՅՈՒՆՆԵՐԻ ԵՎ ԹՐԱՖԻՔԻՆԳԻ ԴԵՄ ՊԱՅՔԱՐ [27]
» ԳԵՆԴԵՐ / ՍՈՑԻԱԼԱԿԱՆ [27]
» ՄԻՋԱԶԳԱՅԻՆ ՓՈԽՀԱՐԱԲԵՐՈՒԹՅՈՒՆՆԵՐ [48]
» ՀԱՅ ԱՌԱՔԵԼԱԿԱՆ ԵԿԵՂԵՑԻ [81]
» ԿՐԹՈՒԹՅՈՒՆ / ԳԻՏՈՒԹՅՈՒՆՆ ԱՅՍՕՐ / IT [41]
» ԱՐՎԵՍՏ / ԱՐՀԵՍՏ / ՄՇԱԿՈՒՅԹ [9]
ԳԼԽԱՎՈՐ ԷՋ » 2011 » ՀՈՒԼԻՍ » 20 » Մանչուկիս հարցումներէն ծագած մտորումներ: Տոհա, Քաթառ
3:29:27 PM
Մանչուկիս հարցումներէն ծագած մտորումներ: Տոհա, Քաթառ
Մանչուկիս հարցումներէն ծագած մտորումներ 

 Մանկական խաղերն ու ապրումները խանգարուած էին։ Տարօնը հեռացած էր իր հայկական միջավայրէն։ Ան հեռացած էր իր հայահոծ գաղութէն, ազգականներէն եւ թաղի հայ երէց ընկերներէն, որոնցմէ իւրաքանչիւրին մօտ պիտի կանգնէր ամէն առաւօտ, հայերէն քաղցրահունչ «բարի լոյս»-ը ըսելու, պաչիկ մը տալու եւ իր անմեղ շրթներով քանի մը հարցումներու պատասխանելով, շաքար մը, բարենիշ մը կամ հացիկ մը ստանալով առօրեայ պտոյտը շարունակելու։ 

 Հիմա, երբ նոր անձի մը ծանօթացնենք զինք, կը հարցնէ.- «Մամ, ասի հա՞յ է»։ Երբ պանիրով հացիկ մը գնեմ հարց կու տայ.- «Մամ, ասի Ապու Պետիկին պատրաստածին պէ՞ս է»։ Հազիւ ինքնաշարժ մը վարձենք կը հարցնէ.- «Մամ, աս մարդը հայերէն կը խօսի՞»։ Երբեմն նոյնիսկ լաց ու կոծ մը ձգելով բուռն յամարութեամբ կը մերժէ օտարի մը հետ համակերպիլ, օտար նկարիչի մը քով նկարուիլ եւ նոյնիսկ ժպտալ անձի մը հետ, որովհետեւ հայ չէ։ Վերջերս կեցուածք առնելով չի պատասխաներ ազգականներու հեռաձայններուն, որովհետեւ յանցաւոր կը նկատէ զիրենք մեր տունը չÿայցելելնուն պատճառաւ։ 

 «Մամ, ինչո՞ւ Հալէպ չենք երթար»։ Հարցում մը, որուն յարատեւ կրկնութիւնը չէի ակնկալեր տակաւին երեք տարեկանը չÿամբողջա- ցուցած զաւկէս։ Ան տակաւին հայկական դպրոց յաճախած չէր, ոչ իսկ վայելած հայկական ակումբի մը յարկին տակ գտնուելու բախտաւորութիւնը։ Այո, բախտաւորութիւն կÿըսեմ, որովհետեւ իսկապէս հոգեկան մեծ խաղաղութիւն կը պատճառէ նմանօրինակ ծագում ունեցող ու որոշ չափով նոյն ընթացքով ուղղուող հաւաքականութեան մը մէջ գոյատեւելը, առանց կրօնական, ազգային կամ լեզուական խնդիրներ դիմագրաւելու։ Որպէս ծնողք կը կարծէինք, թէ մեր երեխային տարիքային այս ժամանակաշրջանը ամէնէն յարմարն է նոր երկրի մը մէջ հաստատուելու եւ ըստ այնմ ՝ ի գործ դրինք փոխադրուելու ծրագիրը։ Հազիւ սկսաւ, ամառնային դպրոցական իր դասընթացքը, ան զիս փաթթելով կըսէր.- «Մամ, ինծի այս դպրոցը մի՛ ղրկեր։ Սերճին ու Սերենային հետ կÿուզեմ ըլլալ։ Ինծի Մեսրոպեան Հայկական Վարժարան տար»։ Ինչպէ՞ս կրնայի համոզել, թէ, դժբախտաբար մեր հայ-կական շաբաթօրեայ դպրոցը այստեղ կատարեալ ուսում չի կրնար ջամբել եւ ամրան եղանակին կատարելապէս կը դադրի գործելէ, նկատի առած ծնողաց տարեկան արձակուրդի պարագաները։ Այս բոլորին կողքին, ինչպէ՞ս կրնամ ետ բերել իրեն իր մանկական խաղերու հայ ընկերները՝ Ալեակը, Գրիգորը, Վանան, Բարտին կամ Արմանը։ Այստեղ գաղութային դրուածքը տարբեր է, հայերը աւելի սակաւաթիւ եւ իրար հանդիպելու պայմանները անողոք։ 
«Մամ, կը յիշե՞ս, այս շապիկը հագած էի, երբ զիս ձիուն հետ նկարեցիր Հայաստան։ Մամ, եկուր Հայաստան երթանք»։ 
Միտքով կը սաւառնիմ մեր մանկութեան երազած դրախտավայրը, ինչպէս նաեւ կը յիշեմ մեր զաւկին հետ միասին կատարած շատ հաճելի հայրենագնացութիւնները ու ինքզինքիս հարց կու տամ.- «Ինչո՞ւ մեզի կը պարտադրուի, ոչ թէ երկրէ մը նոր երկիր, այլ սփիւռքէ մը նոր սփիւռք փոխադրուիլը»։ Այո՛, ընտրութիւն մըն էր, սակայն պարտադիր, գոնէ վաղն հայրենիքի մէջ աւելի պայծառ ապրելու։ Մենք ալ չենք գիտեր, եթէ այդ վաղն պիտի ապրինք, ինչպէս սկսած ենք ծրագրել եւ ի գործ դնել այսօր։ 
«-Մամ, հայրենիքի խտասալիկը կը դնես հաճի՞ս։ 
-Տղաս, այդ խտասալիկի յայտագրին անունը «հայրենի՛ք» չէ այլ՝ Արեւիկ։ 
-Լաւ, Արեւիկ հայրենիքը կը դնե՞ս։» 
Կարծես Արեւիկ այբբենարանը զինք Հայաստան տանող կախարդական ցպիկը ըլլար։ 

 Մտահոգութիւներս կը բազմանան ու կը սկսիմ ինքզինքիս հարց տալ, թէ արդեօ՞ք զաւկիս հայապատկանութեան հաւատքը այսպէս վառ պիտի մնայ։ Ի՞նչ պիտի ըլլայ իր սերնդակիցներու ազգային գիտակ- ցութեան ու պատկանելիութեան իրավիճակը։ Գոնէ իրենց համար պիտի ունենա՞նք աւելի բարգաւաճ հայրենիք մը, ուր կրնայ իւրաքանչիւրը ստեղծել ու տալ, առանց տագնապելու օրուան հացի մասին մտածելով։ 
«-Մամ, ես Նարօտին կուզեմ, թող գայ այլեւս։ 
- Լաւ տղաս, քիչ մնաց, ան ալ աշխարհ կու գայ ու քանի մը տարիներ անց, ինք եւս պիտի մասնակցի քու կատարած հարցադրումներուդ։ Յոյսով եմ, որ գոնէ այդ պահուն, ես ու հայրդ աւելի յստակ ու գոհացուցիչ պատասխաններ կունենանք ձեր երկուքին փոխանցելու։ 


Նյութը` azad-hye.net-ից Գարոլին Մսրիէ Սերոբեան: Տոհա, Քաթառ 
  ՀԳ. Հեղինակը Հալէպահայ է, որ գործի բերումով 
մի քանի ամիսէ ի վեր Տոհա կը գտնուի 

 Առանց հեղինակի թույլտվության մասնակի, կամ ամբողջական կրկնօրինակումը արգելվում է: 
 Կայքի հեղինակային իրավունքները պատկանում են Հայկ Կիսեբլյանին: 
 Կայքում արտահայտված կարծիքները կարող են չհամընկնել կայքի խմբագրության տեսակետի հետ: 
 Գովազդների բովանդակության համար կայքը պատասխանատվություն չի կրում:

ԲԱԺԻՆ: » ԱՆՑՈՒԴԱՐՁ | WEBmaster: HAYKKISEBLYAN | ԹԵԳԵՐ: Տոհա, Գարոլին, Մսրիէ Սերոբեան, Քաթառ P.R.+618 ՎԱՐԿԱՆԻՇ 0.0/0
ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ: 0
Добавлять комментарии пользователи.
[ Регистрация | Вход ]
ԿԻՍԵԲԼՅԱՆ ՀԱՅԿ / KISEBLYAN HAYK / КИСЕБЛЯН АИК
«  ՀՈՒԼԻՍ 2011  »
ԵՐԿԵՐՉՐՀՆՈՒՐՇԲԿՐ
    123
45678910
11121314151617
18192021222324
25262728293031





free counters
Musaler INFO project, by Hayk Kiseblyan