Աղանդների «ոտնահարված» իրավունքների մասին բարձրաձայնում են, իսկ Առաքելական եկեղեցու իրավունքները անտեսում…
Շաբաթներ առաջ ԵԱՀԿ երևանյան գրասենյակի օժանդակությամբ' «Համագործակցություն հանուն ժոողվրդավարության» կենտրոնը, Ծաղկաձորի հանգստյան տներից մեկում կազմակերպել էր «դասընթացներ»' սկսնակ և գործող լրագրողների համար: Դասընթացի կազմակերպման և անցկացման գլխավոր դերերում՝ հանրությանը քաջ հայտնի Ստեփան Դանիելյանը, Ավետիք Իշխանյանն ու Մեսրոպ Հարությունյանն էին: Ավետիք Իշխանյանը մասնակիցների տեսակետին ծանոթացել էր դասընթացների սկզբում և բաժանել երկու խմբի' խղճի ազատության դեմ և կողմ: Սակայն, խղճի ազատություն ասելով նկատի ուներ միայն կրոնի ազատությունը:
Մինչ մասնակիցների մի մասը համոզմունք է հայտնել, որ աղանդավորական կազմակերպությունները ազգային անվտանգության համար էական սպառնալիք են' Ստեփան Դանիելյանը պահը չի կորցրել' սկսնակների ուղեղները լվանալու համար և փորձել է համոզել, որ ազգային անվտանգությանը կարող է վնասել անգամ Հայ Առաքելական եկեղեցին' պատճառաբանելով, թե իբրև Եկեղեցին այլ կրոնական կազմակերպությունների ներկայացուցիչների նկատմամբ թշնամական վերաբերմունք ունի, որը ևս ազգային անվտանգությանը համար սպառնալիք է: Սակայն, կազմակերպիչները բավական լավ գծագրած են եղել «դասընթացը» և նախապես պատրաստել են «հանճարեղ» մտքեր, որոնցով պետք է համոզեին ապագա և գործող լրագրողներին, որ Հայ Առաքելական եկեղեցին (ՀԱԵ) ոչ միայն «սպառնում է ազգային անվտանգությանը», այլև Հայոց պատմությունը գրվել է եկեղեցականների կողմից և հոգևորականները պատմությունը ներկայացրել են այնպես, ինչպես ձեռնտու է եղել իրենց:
Կարելի էր հարց տալ կազմակերպիչներին' պարոնա´յք, ինչու՞ պատմությունը չի գրվել այսօր ՀԱԵ կողմից աղանդ հռչակվածների կողմից։ Սակայն հարցին կազմակերպիչները հաստատ չէին պատասխանի, բայց մենք կպատասխանենք' ինչպե՞ս պատմություն գրեին, եթե ընդամենը հաշված տասնամյակների կյանք ունեն միայն և ստեղծված են հստակ նպատակով' խաբեությամբ թալանել և քանդել միասնական ազգություն ունեցող պետությունները, իսկ նմանապիտ հայտարարությունների նպատակը միայն մեկը կարող է լինել' վարկաբեկել Հայ Առաքելական եկեղեցին:
Սակայն, նախապես հստակ մշակված դասընթացը, որի համար վերոնշյալ պարոններն անշուշտ աստղաբաշխական գումարներ էին ստացել ԵԱՀԿ-ից' պետք է փայլեր էլ ավելի մեծ հայտնագործությամբ: Պարզվում է, որ ազգային անվտանգությանն իրական սպառնալիք համարվող՝ ԵԱՀԿ-ից ֆինանսավորվող կազմակերպության ներկայացուցիչները' ՀԱԵ դիմակայությունն աղանդավորներին' փորձում էին չափել նույն դիտակետից, որից սնվում են իրենք: Պարոնները փորձում են մասնակիցներին համոզել, թե ՀԱԵ-ն դեմ է աղանդներին, քանի որ «գնալով աղանդավորական կազմակերպություն' քաղաքացին այլևս գումար չի վճարում ՀԱԵ-ն և եկեղեցին կորցնում է գումարի աղբյուրը»: Հարկ ենք համարում իրական գումարասերներին հիշեցնել, որ ՀԱԵ բնավ չի ֆինանսավորվում պետության կողմից և այդ աղանդները վախենալու տեղ ունեն, քանի որ իրենց անդամները տասանորդ են մուծում, որը ՀԱԵ դեպքում բացակայում է: Էլ ինչո՞ւ եկեղեցին պետք է մտածեր գումարային աղբյուր կորցնելու մասին, եթե այդ գումարային աղբյուրն իրականում չկա: Չնայած բնական է, որ ամեն մեկը դիմացինին գնահատում է՝ հաշվի առնելով սեփական հետաքրքրություններն ու արժանիքները:
Ի դեպ, հարկ ենք համարում նշել, որ լրագրողների համար նախատեսված դասընթացը միակ բազմամարդ հավաքը չէր այդ հանգստյան տանը: Նրանց «քթի տակ» հանգստանում էր ավելի քան հարյուր երեխա, ովքեր հանգստյան տուն էին եկել' Հայ Առաքելական եկեղեցու կողմից աղանդակերպ գործունեություն ծավալող կազմակերպություն հռչակված «Ավետարանականների» ուղեկցությամբ: Ծաղկաձորում երեխաները հայտնվել էին КВН-ի քողի տակ և նրանց մեծ մասը տեղյակ չէր, որ հանգստյան տուն գնում է ոչ թե КВН-ի մասնակցելու, այլ անհայտ կրթության մարդկանց կողմից Աստվածաշնչի մեկնությունը լսելու, իսկ երևույթի հետ ոչ բոլոր երեխաներն էին համակերպվում (թեմային կանդրադառնանք առանձին նյութով և կմանրամասնենք «КВН»-ի ընթացքը): Այս դեպքում' «երեք պարոններից» ոչ մեկ «չփորձեց համոզել» «Ավետարանականներին», որ մարդու իրավունքների խախտում է, երբ խաբեությամբ հրավիրում են կրոնական քննարկումներ լսելու: Դա էլ այն դեպքում, երբ երեխաներից ոչ մեկի տարիքը չէր գերազանցում 18-ը:
Հ. Գ. Հարց է առաջանում, եթե այդ ԵԱՀԿ-ն այքան մեծ գիտակ և ջատագով է մարդու իրավունքների և հավասարության՝ ինչու՞ է ֆինանսավորում միայն այն կազմակերպություններին, որոնք հանդես են գալիս աղանդավորական կազմակերպությունների պաշտպանությամբ և ձեռնտու չլինելու պատճառով մոռանում է, որ ՀՀ-ում՝ օրենքի համաձայն, բոլոր կրոնական կազմակերպություններն ունեն նույն իրավունքները և գտնվում են նույն հարթության վրա: Նյութը
ըստ Slaq.am –ի 30.08.11
Առանց
հեղինակի թույլտվության մասնակի, կամ ամբողջական կրկնօրինակումը արգելվում է: Կայքի
հեղինակային
իրավունքները
պատկանում
են Հայկ Կիսեբլյանին: Կայքում
արտահայտված
կարծիքները
կարող են չհամընկնել կայքի խմբագրության տեսակետի հետ: Գովազդների
բովանդակության
համար կայքը պատասխանատվություն
չի կրում:։
|