 Այն հումորը, որն այսօր եթեր է հեռարձակվում, տխուր վիճակում է...
Մարդուն ամենից շատ գրավում են երգիծական հաղորդումները, սակայն այսօր եթեր հեռարձակվող ծարգրերը դեգրադացնում են հեռուսատադիտողին: Նման տեսակետ հայտնեց լրագրողների հետ հանդիպման ժամանակ հոգեբան Կարինե Նալչաջյանը:
«Այն հումորը, որն այսօր եթեր է հեռարձակվում, տխուր վիճակում է: Ժարգոնը, մտածողության ցածր մակարդակը, տափակ հումորն ապականում են եթերը, ապականում են հասարակությանը, հատկապես` երիտասարդներին: Այն կերպարները, որոնք այսօր մատուցվում են էկրանից, ուղղակի կրկնօրինակվում են պատանիների, երիտասարդների կողմից»,- ասաց նա:
Հոգեբանը ցավով նշեց, որ նման հաղորդումների վրա սահմանափակումներ չեն դրվում, քանի որ այն մարդիկ, ովքեր կարող են և պիտի դնեն սահմանափակումներ, ըստ Կ.Նալչաջյանի, հավանում են այդ հաղորդումները:
«Այս ամենի դեմն առնելու համար անհրաժեշտ են կոշտ արգելքներ, պետք է լինեն գեղարվեստական խորհուրդներ, որոնք կֆիլտրեն հեռուսատահաղորդումները: Հեռուստաեթերից աղբ է թափվում, և ես հազիվ եմ հասցնում ալիքը փոխել»,- ասաց Կարինե Նալչաջյանը` հավելելով, որ այս ամենը մարդու իրավունքների կոպիտ ոտնահարում է:
Նյութը` Aysor.am-ից /2011/03/05/
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
| 
