 Տեր Շմավոն քահանա Ղևոնդյան. Քրիստոնեությունը եկավ լույս աշխարհ և բացահայտեց մեր միակ Աստծուն…
Արդեն հարկավոր չէին զոհաբերությունները, քանի որ եթե հավատանք Հիսուսին, զղջանք մեր մեղքերը և մկրտվենք Նրա անունով, հետագայում արդեն կունենանք փրկության հնարավորություն: Պետք է իմանալ ինչպես ապրել, որ փրկության երաշխիքը դառնա մերը: Բացի այդ, եթե եկեղեցին փորձենք համեմատել տաճարի հետ, ապա կտեսնենք, որ այն ոչ թե դարձավ զոհաբերության վայր, այլ` աղոթավայր, որտեղ մարդկային հոգին ստանում էր հոգեկան բավարարվածություն և թեթևություն: Սա մի վայր էր, որտեղ մարդը խոսում էր Աստծո հետ, և ամենակարևորը` քրիստոնեության մեջ Տերը պատասխանում է մարդուն Աստվածաշնչի ու նշանների միջոցով: Հեթանոսության մեջ նման բան չկար: Վերջինս պարզապես երկրային կյանքի ընթացքն էր, որը համեմատվում էր միստիկ երևույթների հետ: Քրիստոնեությունը ոչ միայն մարդու կյանքի ընթացքը փոխում է, այլ¨ բարձրացնում է նրան շատ ավելի` քան կարելի է: Եթե հեթանոսը պետք է հերոսություններ կատարեր, որ դասվեր աստվածների շարքում, ապա քրիստոնեական հերոսությունը հոգևոր սխրանքն էր: Քրիստոնյան որոշակի բարքերից հրաժարվում է, հոգ¨որը ձեռքբերելու նպատակով, իսկ Աստված դրա համար նրան աստվածացնում է. չէ որ Քրիստոս մարդացավ, որ մարդուն աստվածացնի: Ըստ այդմ էլ` քրիստոնեությունը մարդուն բարձրացնում է, իսկ հեթանոսությունը վերջինիս պահում է նույն մակարդակում:
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Նյութի հեղինակային իրավունքները պատկանում են Արման Կարապետյանին Կայքի հեղինակային իրավունքները պատկանում են Հայկ Կիսեբլյանին Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում
|
