Եհովայի վկաները ծեծել են քահանային Ցույց տու'ր փաստաթուղթ, որ սա եկեղեցու տարածքն է, թե չէ' կոկորդտ կկրծեմ... Մայիսի 15-ի առավոտյան միջադեպ է գրանցվել Մալաթիա համայնքի Սուրբ Երրորդություն եկեղեցում: Առավոտյան, պատարագի ժամանակ, շատ հանկարծակի եկեղեցի են ներխուժել մի խումբ Եհովայի վկաներ և փորձել են խանգարել եկեղեցու ծիսակարգը և սկսել են Եհովայի քարոզչություն անել: Նրանց է մոտեցել հոգևոր սպասավոր Տեր Եսայի քահանա Արթենյանը և խնդրել է նրանց հեռանալ եկեղեցուց և չխանգարել պատարագի արարողությունը: Եկեղեցու հոգևոր սպասավորը նրանց ասել է. «Փոխանակ գնաք բանակում ծառայեք` եկել քարոզչություն եք անում»:
Ինչից հետո վեճ է ծագել նրանց միջև և եհովականներն իրենց շատ ագրեսիվ են պահել և ծեծել են հոգևոր սպասավորին: Միջադեպը մեծ աղմուկ է բարձրացրել և ըստ ամենայնի` վաղը այս ամենի վերաբերյալ իր գնահատականները կհնչեցնի Մայր Աթոռի մամլո դիվանը: Եկեղեցու հոգևոր սպասավորը միջադեպի կապակցությամբ դիմել է ոստիկանություն:
Ոստիկանությունից slaq.am-ին տեղեկացրեցին, որ Մալաթիայի ոստիկանության բաժանմունքում այսօրվա միջադեպի վերաբերյալ նյութեր են նախապատրաստվում և հետաքննություն է ընթանում: Հենց նոր, slaq.am-ի հետ զրույցում Տեր Եսայի քահանա Արթենյանը հաստատեց միջադեպի մասին տեղեկություններն, ասելով, որ երբ ինքը նկատել է քարոզչություն անող երիտասարդներին եկեղեցում`մոտեցել է, որ հեռացնի նրանց եկեղեցու տարածքից, մինչդեռ ագրեսիվ երիտասարդները հակառակվել են և սպառնացել. «Ցույց տու'ր փաստաթուղթ, որ սա եկեղեցու տարածքն է, թե չէ' կոկորդտ կկրծեմ»: Այստեղից էլ սկիզբ է առել միջադեպը և նրանք հարվածել են քահանային:
Նյութը` slaq.am- ից Մայիսի 15
Առանց հեղինակի թույլտվության մասնակի, կամ ամբողջական կրկնօրինակումը արգելվում է: կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
|