ԲՈՒՆԴԵՍԹԱԳԻՑ` ՑԵՂԱՍՊԱՆՈՒԹՅՈՒՆ, ԿԱՌԱՎԱՐՈՒԹՅՈՒՆԻՑ` ԽԱՉՔԱՐԻ ՏԵՂԱԴՐՈՒՄ Գերմանահայոց կենտրոնական խորհուրդը (ԳԿԽ) նամակով դիմել է Բունդեսթագի պատգամավորներինՙ 1915-ի իրադարձությունները կոչել ցեղասպանություն բառեզրով: Հիշեցնենք, որ 2005-ին Գերմանիայի օրենսդիր մարմնի «Հայկական» բանաձեւում բնաջնջում բառը թեպետ բազմիցս գործածվել էր էջեր կազմող տեքստում, սակայն վերնագրում ցեղասպանություն իրավաբանական բառեզրի փոխարեն շրջանառվել էր Massaker` կոտորածներ, ջարդ ձեւակերպումը: ԳԿԽ-ն մեկ ուրիշ նամակ էլ ուղղել է դաշնային կառավարության մշակույթի եւ տեղեկատվության հանձնակատար Բերնդ Նոյմաննինՙ խնդրելով սատարել Բեռլինում Ռայխսթագի գմբեթի հովանու ներքո Հայոց հիշողության խաչքարի տեղադրմանը, որի հանդիսավոր բացումը պիտի լինի 2015-ի ապրիլի 24-ինՙ Հայոց ցեղասպանության 100-ամյա տարելիցին: Հիշատակելով պարոն Նոյմաննի հայրենի Բրեմենում խորհրդանշական նման մի վայրի գոյությունը, ԳԿԽ-ն նկատել է տվել, թե Բեռլինում այն բոլորովին այլ չափ ու նշանակություն է ունենալու: ԱՆԱՀԻՏ ՀՈՎՍԵՓՅԱՆ, Գերմանիա Նյութը` Azg.am-ից 2011-04-23 / «ԱԶԳ» ՕՐԱԹԵՐԹ #73, 23-04-2011
Առանց հեղինակի թույլտվության մասնակի, կամ ամբողջական կրկնօրինակումը արգելվում է: Կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
|