Բացօթյա առևտրով զբաղվողները հավաքվել են նախագահականի առջև
Այս պահին ՀՀ Նախագահի նստավայրի դիմաց մետրոյից վերև բողոքի ակցիա են իրականացնում բացօթյա առևտրով զբաղվող քաղաքացիները:
Շուրջ 30 բողոքավորների հսկում են նույնքան ոստիկաններ: Ցուցարարաների խմբին մոտեցել են նաև կարմիր բերետավորներ:
Ցուցարարների խմբին չի թույլատրվում իջնել ներքև և բողոքի ակցիան իրականացնել անմիջապես նախագահական նստավայրի առջևի մայթին: Ոստիկանության Արաբկիրի բաժնի պետի տեղակալ, փոխգնդապետ Վլադիմիր Ավագիմյանը պատճառաբանեց, որ նախագահական նստավայրում հյուրեր կան և դա կարող է «խանգարել երկրի անվտանգությունը»:
«Ամո՛թ, պահանջում ենք աշխատանք, Բաղրամյան 26»,- բացականչում են ցուցարարները, ովքեր պահում են «Քաղաքապետը մեզ զրկեց հացից», «SOS Հայաստանը հայաթափվում է», «Սերժ Սարգսյան. պաշտպանեք մեր աշխատելու իրավունքը», «Պահանջում ենք աշխատանք» և նման խորագրերով այլ պաստառներ:
Ցուցարարներին միացել է ԱԺ «Ժառանգություն» խմբակցության անդամ Զարուհի Փոստանջյանը, ով զանգահարեց ՄԻՊ Կարեն Անդրեասյանին և տեղեկացրեց, որ ցուցարարներին թույլ չեն տալիս ակցիան անցկացնել իրենց ուզած վայրում: Վերջինս պաստացխանեց, որ կուղարկի արագ արձագանքման խումբ: Նյութը` Aysor.am- ից 04.05.2011 17:07
Առանց հեղինակի թույլտվության մասնակի, կամ ամբողջական կրկնօրինակումը արգելվում է: կայքի հեղինակային իրավունքները պատկանում են Հայկ Կիսեբլյանին: Կայքում արտահայտված կարծիքները կարող են չհամընկնել կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
|